Wikipedia:箇日靚畫/2014年6月

编辑 2014年6月1號	编辑 2014年6月2號
编辑 2014年6月3號	编辑 2014年6月4號
编辑 2014年6月5號	编辑 2014年6月6號 球面係隻對稱嗰幾何形體。數學上，球面係空間內面點嗰一隻組合，球面上頭所有嗰點都離一隻固定嗰點相同距離，箇隻距離係球面嗰半徑。
编辑 2014年6月7號 李烈钧（1882年-1946年），原名烈训，又名协和，字侠如，号侠黄，係九江武宁罗溪坪源村人。国民党二级陆军上将。	编辑 2014年6月8號 晶體管係種固體半導體電子器件，搦佢做放大、開關、穩壓、信號調製跟到別嗰滴子功能。
编辑 2014年6月9號 廳下一般係一家人屋裡平常生活起居嗰地方。一隻廳下大多數都具備電視、沙發、槁椅、杌子箇類休閒生活品，故係廳下也係待客、娛樂嗰場所。贛語裡頭「廳下」大部分都係叫「廳下」（[tʰiaŋ ha]）。	编辑 2014年6月10號 柏林係德國嗰首都也係佢嗰十六隻州之一。佢嗰人口係340萬，൹佢就係德國最大嗰城市。佢也係歐盟國家第二最多人嗰城市同得第八最多人嗰都市區。
编辑 2014年6月11號 北極或北極地區係話兜得地球嗰北極點團近嗰地區。箇隻地帶會有極光、極夜、極晝箇滴子極地現象。	编辑 2014年6月12號 畢達哥拉斯，約公元前580年-572年出世，約公元前500-490年前過身，係隻希臘嗰數學家、哲學家、音樂理論家。
编辑 2014年6月13號 蠟燭係搦蠟或別嗰燃料做成，中簡有芯，點火之後燒嘚著嗰用品。	编辑 2014年6月14號 夏寶太空望遠鏡係1990年4月拕射進軌道嗰太空望遠鏡，係NASA同得歐洲太空總署嗰佮伙項目。夏寶太空望遠鏡嗰名係為得紀念美國太空學家Edwin Hubble。
编辑 2014年6月15號 警察，又叫「公安」等，南昌話哈有「酒瓶蓋子」嗰話法，主要係依法維持公共秩序、保護社會安寧、促進人民福利等功能。佢俚算係政府嗰公務員。有滴子國家嗰警察實行類似軍隊裡頭嗰警銜制。一般認為係英國倫敦頭隻創立現代警察制度嗰城市。而天津係中國頭隻創立警察嗰城市（清朝）。	编辑 2014年6月16號 混沌理論係數學同得物理學裡頭，研究非線性系統到一定條件下表現出嗰「混沌」現象嗰理論。
编辑 2014年6月17號 機械人係話一種曉得自簡完成既定任務嗰機器。佢嗰應用過程得傳達自簡嗰目的、行為。	编辑 2014年6月18號 鄱陽湖係江西嗰第一大湖、中國嗰第一淡水湖。佢嗰位置係北緯29度00分、東經116度10分。鄱陽湖嗰面積係3210平方公里，含水量係25.2立方公里。最大水深25米，平均8.4米。
编辑 2014年6月19號 檔案:Kimmun.jpg 金文係鑄嘚青銅器上頭嗰字，係中國嗰商、周時間非常作興嗰書寫途徑。	编辑 2014年6月20號 武夷山位到中國江西同福建兩省嗰邊界。佢係東北-西南走向。北首係仙霞嶺，南度係九連山。海拔有一千米嗰樣子。佢哈係贛江同閩江嗰分水嶺，長五百五千米。主峰係黃崗山，海拔2158米，箇也係中國大陸東南首最高嗰山，佢位到福建武夷山市嗰西北首。
编辑 2014年6月21號 檔案:黑陶鬹 新石器.jpg 江西嗰新石器文化係話江西到新石器時期（4000年到5000年前）嗰古代文化。箇時間嗰江西社會經濟開始飛快發展，人口大量增加，全贛形成非常多嗰居民聚落。而今攏共發現五六十隻新石器時期文化遺址，主要分佈到樟樹、萬年、修水、九江、南昌、進賢、鄱陽、武寧、萬載、雩都、宜豐、高安、奉新、臨川、景德鎮、萍鄉、永豐箇些地方，相對集中嗰哈係贛北地區。江西嗰新石器文化出土哩大量嗰石器、骨器、蚌器、陶器、穀等，箇滴出土文物到全世界都係非常古早嗰。	编辑 2014年6月22號 反切係古時漢字注音方法嗰一種。反切方法搦兩隻漢字去注一隻漢字嗰音。拼讀嗰時間，係搦先前嗰字（「反切上字」）嗰聲母，去拼後背嗰字（「反切下字」）嗰韻母（早以係踲得寫字方法，前字嘚上，後字嘚下），故係話「上字定聲、下字定韻」。好似：【酒】子酉切，佢嗰讀音就係 ch（「子」嗰聲母）+ iu（「酉」嗰韻母），即 chiu。
编辑 2014年6月23號 聯合國係一隻由主權國家參加嗰國際組織。世界上絕大部分國家都係聯合國嗰成員。到1945年六月二十六日，五十一隻創始會員國中嗰50個到美國嗰舊金山簽訂《聯合國憲章》。憲章到1945年十月二十四日起效，聯合國咁就算正式成立，但係頭回會員國大會一徑到1946年正月十日舉行，箇時間有五十一隻國家參加。第二次世界大戰之前，有隻好像聯合國嗰國際聯盟，經常拕認為係聯合國嗰前身。到2007年，聯合國攏共有一百九十二隻成員國。	编辑 2014年6月24號 報或者叫報紙係用來報告新聞嗰印刷品。除吥新聞，哈會附帶一滴資訊同到廣告。紙質通常都係平價紙。多數報都係日報或者周報，內容可以什哩都報，又或者特定專題。1605年有頭份印刷報紙。今時今日，哈有報社會搦報紙內放到網上。
编辑 2014年6月25號 蔣·波羅係荷蘭嗰一隻地圖畫家。佢到1635年出版Atlas Novus（全名：Theatrum orbis terrarum, sive, Atlas novus），末後佢就開始做荷蘭東印度公司嗰專業地圖畫家。	编辑 2014年6月26號 地震係陡然地表存到嗰位能放出來嗰自然現象，能量係用地震波嗰形式放出來。到地球表面，好多東西都會晃，地面會移動，有時間哈會有海嘯。箇隻現象好多時間都會死人嗰，財物更假都會受損。地震可以係天然，但也可以係人為。一般來話，只要係有地震波，就叫做地震。
编辑 2014年6月27號 激光係話狹幅頻率嗰光輻射線，通過受激輻射放大同得必要嗰反饋共振，產生准直、單色、相干嗰光束嗰光學儀器。	编辑 2014年6月28號 清湯係中國嗰傳統食品，俱起先發源於中國北方。早先清湯同水餃冇什哩差別。一徑到唐朝箇兩隻喫嗰開始用各自家嗰名字。清湯皮一般係6公分長嗰正方形，要吥就係頂邊5公分，底邊7公分嗰等腰梯形。 清湯皮要薄嚸子，煮正之後還會蠻透明。 江南地區清湯嗰湯底上選係雞湯或骨頭湯。一般飯館內就到開水裡度加嚸調料搭到紫菜。常見嗰還有蛋皮絲、榨菜絲、幹絲、蝦米、鵪鶉蛋、蔥花等。廣東會拿清湯加到面裡度變成「餛飩面」。香港還有些飯館拿清湯放到滾油裡煠到剝脆，叫「炸餛飩」。
编辑 2014年6月29號 奧克蘭文理學校 ，係在新西蘭奧克蘭嗰一隻男校中學。佢教導從九年級至十三年級，學校也包含許多有限數量嗰宿舍，讓學生能到邊上嗰一座樓裡住學。奧克蘭文理學校在新西蘭算係最大嗰學校之一哩。學校由1868年嗰奧克蘭撥款法成立嗰，但學校嗰憲章賦予係由格雷爵士 (新西蘭最早嗰官員之一)嗰信託於1850年時定下嗰。	编辑 2014年6月30號 中國中部投資貿易博覽會，簡做中博會，係為得促進中部崛起計劃而舉辦嗰區域性經貿活動，由中部六省（山西、河南、湖北、湖南、安徽、江西）轔得舉辦。

維基同享有更多媒體嗰資料：

2014年6月嗰圖片