第二次世界大戰
第二次世界大戰（1939年－1945年）係直到今吖為止，人類社會扤出來嗰最大戰亂，死得最多人（粗略估計死吥8300萬人），破壞得最惡嗰全球性戰爭。
戰爭高潮嗰時間，有六十一多隻國家同到一齊打，有十七多億人拕捲進去。打仗雙方係以美國、蘇聯、中華民國、英國、法國等國組成嗰反法西斯同盟，同到以德國、日本、意大利等法西斯國家組成嘅軸心國集團。戰禍遍及歐洲、亞洲、美洲、非洲同到大洋洲五大洲；打仗雙方同時到大西洋、太平洋、印度洋同北冰洋四大洋展開戰鬥。
雖話到1939年九月以前，中國嗰抗日戰爭，埃塞俄比亞嗰抗意戰爭等反法西斯嗰抵抗已經開始嘞，但係一般認為戰爭係由1939年9月1日德國入侵波蘭、英法對德國宣戰起頭，到1945年8月15日（亞洲）/ 8月14日（美洲）日本向盟國投降結尾。
大戰嗰扭轉點係1941年12月7號七點五十五分（夏威夷時間），日本發動偷襲珍珠港，美國太平洋艦隊40喇隻戰艦、450架飛機拕摧毀，4500多美兵傷亡。之後嗰幾日，美國總統羅斯福到華盛頓宣佈向日本正式宣戰，係美國正式參與大戰。冇吖子，英國、中國、澳大利亞、新西蘭、加拿大等二十多隻國家先後對日本宣戰，真正嗰「世界」大戰算係正式爆發喇！
大戰以諾曼第（Normandy）登陸戰最出名。經過周密嗰計劃同到充足準備，15.6萬盟軍到1944年6月6號（D-Day）由諾曼第箇隻缺口登陸，從此，德國陷於東西夾擊，腹背受敵嗰局面。
其實到二戰完後，接到有好多問題還在，像美蘇冷戰。至於日本就因為美國到廣島同長崎掟嘞兩隻原子彈扤到今吖都受到核幅射嗰影響。