隋朝時間江西嗰行政規劃

隋朝時間江西嗰行政規劃係話隋朝到江西設置嗰行政規劃。先頭嗰幾百年亂世舞得江西嗰郡縣多傷哩。為到解決「民少官多，十羊九牧」嗰時弊，江西咁就開始裁并州縣，「存要去閒，并小為大」。故係咁一舉措，江西盈下來嗰郡縣係七郡24隻縣哩。

1. 豫章郡
2. 鄱陽郡
3. 廬陵郡
4. 臨川郡
5. 宜春郡
6. 南康郡
7. 九江郡

豫章郡

公元589年，洪州總管府設立，佢到605年嗰樣子拕廢除，改為「豫章郡」。佢下頭管到4隻縣：豫章、豐城、建昌、建城。佢嗰郡治係豫章縣。

鄱陽郡

公元589年，饒州設立，佢到605年嗰樣子拕廢除，改為「鄱陽郡」。佢下頭管到3隻縣：鄱陽、餘干、弋陽。佢嗰郡治係鄱陽縣。

廬陵郡

公元589年，吉州設立，佢到605年嗰樣子拕廢除，改為「廬陵郡」。佢下頭管到4隻縣：廬陵、泰和、安復、新淦。佢嗰郡治係廬陵縣。

臨川郡

公元589年，撫州設立，佢到607年拕廢除，改為「臨川郡」。佢下頭管到4隻縣：臨川、南城、崇仁、邵武。佢嗰郡治係臨川縣。

宜春郡

公元589年，袁州設立，佢到605年嗰樣子拕廢除，改為「宜春郡」。佢下頭管到3隻縣：宜春、萍鄉、新喻。佢嗰郡治係宜春縣。

南康郡

公元589年，虔州設立，佢到605年嗰樣子拕廢除，改為「南康郡」。佢下頭管到4隻縣：虔化、雩都、贛、南康。佢嗰郡治係贛縣。

九江郡

佢係先頭嗰尋陽郡。公元589年，江州設立，佢到605年嗰樣子拕廢除，改為「九江郡」。佢下頭管到4隻縣：湓城、彭澤。佢嗰郡治係湓城縣。