宋朝時間江西嗰行政規劃

宋朝時間江西嗰行政規劃係話宋朝到江西設置嗰行政規劃。箇時間江西攏共設立13隻州軍，管到68隻縣。箇裡頭九隻州都係「上等州」，四隻郡都係「同下州」。^[1]

行政規劃

江西嗰13隻州軍係：

宋朝滅吥南唐後，江西箇時間歸到「江南路」管。公元976年，江南路分做東、西兩路，末後又合并，到公元1018年，兩路又分開過。^[2]

北宋時間嗰13州軍裡頭，洪州、虔州、吉州、袁州、撫州、筠州、南安軍、臨江軍、建昌軍箇九隻州軍歸到「江南西路」管；江州、饒州、信州同到南康軍歸到「江南東路」管。另外江南西路哈管到一隻「興國軍」，轄永興、大冶、通山三隻縣。

南宋時間，江州拕劃進江南西路。末後因為金兵入侵，公元1127年，洪州府拕升做「帥府」，江州拕升做「定江軍節度」。第年，江州設立「安撫制置使」，江、池、饒三隻州拕劃做「江州路」。

公元1130年，江南路合并，接到劃進鄂、岳兩隻州，設立江西、鄂州、建康三帥。第年，江南東、西路兩路嗰設制拕恢復過，咁一徑維持到南宋末年。

宋朝搦唐朝嗰「江南西道」改做「江南西路」。箇時間「路」嗰管轄範圍要細過唐朝嗰「道」。像唐朝許時間「江南西道」管到今下嗰江西同到佢邊上嗰一大片子地方，宋朝嗰「江南西路」就差不多就係今下嗰「江西」嘍。

江南西路嗰職責係「觀其政而輕重朝廷」，實際上係「與天子分土而治」。^[3]佢自簡設有「轉運使」，可以監督州縣，掌管錢谷。別嗰哈有「提點刑獄」、「提舉常平等官」箇兮子職位，位到配合轉運使嗰監督職責。上頭嗰箇兮官階品級，管吏治官權嗰叫「監司」；管漕運財收嗰叫「漕司」。