豫章郡

出自維基百科
跳至導覽 跳至搜尋

豫章郡漢代隋朝箇段時間裡頭江西嗰一隻行政建置。起先佢嗰面積有今下嗰江西樣大,末後隨得多級行政機構嗰新添,佢就只係贛北許塊塊子嗰一隻行政區嘍。但南昌一徑哩係箇八百喇年嗰時間豫章郡嗰郡治所在。

漢朝[編寫]

西漢嗰頭幾年,江西設立豫章郡,箇係江西歷史上首到行政建制。 《江西省古今政治地理沿革總略》話:「漢興,改九江郡為淮南國,領九江、廬江、衡山、豫章四郡,江西則為豫章郡。」《史記》卷九十一話:「(漢高祖)四年(前203年)七月,九江、廬江、衡山、豫章郡皆屬布。」咁就係話前203年豫章郡就設立正哩。但具體年份史記上都冇話明,更多內容請望下「豫章郡嗰建立年代考」。

·豫章郡下頭管到十八隻縣,佢俚係:

王莽篡漢嗰時間佢搦豫章郡嗰十喇隻地名都改過哩。東漢嗰時間又拕改回來,末後嗰幾年子哈新添哩好幾隻縣。

六朝[編寫]

六朝係話東吳、晉朝、宋朝、齊朝、梁朝、陳朝。

公元199年,孫策攻占豫章。末後三國紛爭嗰政治局面舞得東吳盡心經營江南,咁佢一方面係大力撫順江西境內嗰「山越」,一方面細化江西嗰行政區劃,為到更好統治。

咁豫章郡就由先頭漢朝嗰「全贛十八縣」變細到「贛北十六縣」,佢俚係:

晉朝同到四朝對豫章郡都冇做什哩大嗰變動,一徑都係保持到十六縣嗰行政建置。

隋朝[編寫]

經過箇多年嗰戰亂,隋朝時間嗰江西行政規劃變得雜亂而龐大。為到解決嗰隻局面,江西咁就開始簡化、合并各級行政建置。早已一隻郡有十喇隻縣嗰情況已經冇有嘍。

公元589年,豫章郡改做洪州總管府。到605年嗰样子,豫章郡又重新設立。佢下頭管到四隻縣,佢俚係:豫章豐城建昌建城