明朝時間江西嗰行政規劃

出自維基百科

明朝時間江西嗰行政規劃係話明朝江西設置嗰行政規劃。

建制過程[編寫 | 編寫源代碼]

元朝末年,大漢皇帝陳友諒佔到江西嗰地盤。1362年,佢嗰手下龍興路守將胡廷瑞投抗朱元璋,朱元璋仰上搦龍興璐改做洪都府,讓佢嗰侄子朱文正帶兵鎮守南昌城。箇年正月,江西行省拕設立,首治係吉安,第月,首治拕遷到南昌。末後陳友諒到鄱陽湖之戰裡頭拕打敗,佢嗰大漢政權覆滅,江西嗰全境都歸明朝嘍。

1370年江西都衛拕設立。1375年,「江西都衛」拕改做「江西都指揮使司」。第年,「江西行省」拕改做「江西承宣布政使司」。

明朝初年,明太祖朱元璋沿用元朝嗰行政制度。末後佢覺得咁一隻行政區大傷嘍,故係到1376年,佢廢除行中書省制度,改做「承宣布政使司」;行省平章政事,左、右丞箇滴子官職也拕罷除,參知政事拕改做「布政使」。

咁,箇時間江西嗰行政最高長官就係「布政使」,軍事最高長官係「都指揮使司」,監察最高長官係「提刑按察使司」。箇三隻部門互相獨立,互不統轄。

江西布政司、按察司另外設立5隻「道」,去管理全贛十三府。永樂年間,布政司嗰參政、參議開始分司諸道,叫「分守道」;明朝頭幾年,按察司嗰副使、僉事分司諸道,叫「分巡道」。分守道、分巡道嗰駐地有時間會設到一塊子,有時間分設兩地。

1425年之後,有滴子分守道、分巡道哈會接到設立一隻「兵備道」,去整飭軍事。佢下頭設立一隻「督糧道」,駐南昌;一隻「督冊道」;一隻「屯田道」,同得管理驛傳道;一隻「提督學道」;一隻「清軍道」。

1497年,江西設立「南贛巡撫」,巡撫南、贛、汀、韶等處地方提督軍務,駐地贛州。1516年,「南贛巡撫」拕改做「提督軍務」。1566年,定名做「巡撫」管得南安、贛州、南雄、韶州、汀州、郴州箇滴子地方。

1521年後,江西最終設立「三衛十一千戶」嗰衛所制度。江西嗰三大藩王也提供三隻「儀衛司」,淮王、益王維持兩群牧所。

行政機構[編寫 | 編寫源代碼]

十三府[編寫 | 編寫源代碼]

宋朝以降,宋朝嗰十三州軍、元朝嗰十三路、到明朝嗰十三府,江西嗰行政系統已經完善。宋代嗰時間江西攏共六十八縣,元代添加一隻永寧縣,明朝嗰時間接到添加九隻縣,咁擱擱攏攏就係78縣。1503年,寧縣拕升做寧州,咁就係係「明朝十三府七十七縣」。

  1. 南昌府南昌新建豐城進賢奉新靖安武寧
  2. 瑞州府高安上高新昌
  3. 南康府星子都昌建昌安義
  4. 饒州府鄱陽餘干安仁萬年樂平德興浮梁
  5. 九江府德化瑞昌德安湖口彭澤
  6. 吉安府廬陵吉水永豐泰和萬安龍泉永新永寧安福
  7. 撫州府臨川東鄉金溪崇仁宜黃樂安
  8. 建昌府南城瀘溪南豐廣昌
  9. 袁州府宜春分宜萬載萍鄉
  10. 臨江府清江新淦峽江新喻
  11. 廣信府上饒永豐玉山鉛山興安弋陽貴溪
  12. 南安府大庾崇義南康上猶
  13. 贛州府雩都興國寧都石城瑞金會昌安遠長寧信豐龍南定南

五道[編寫 | 編寫源代碼]

明朝嗰時間,江西哈設立幾隻「道」去管理諸「府」。「道」有督收錢糧、巡察治狀箇滴子職能。箇係因為許時間江西各府嗰經濟繁盛,咁賦稅收算、政務官制嗰工作量就非常大。

江西布政司、按察司攏共設立5隻「道」,佢俚係[1]

下轄諸府 分守道駐地 分巡道駐地 兵備道
南瑞道 南昌府瑞州府 南昌 南昌 寧州
湖東道 廣信府撫州府建昌府 廣信 建昌 建昌
湖西道 袁州府臨江府吉安府 臨江 吉安
饒南九道 饒州府南康府九江府 饒州 九江
贛南道 贛州府南安府 南安 贛州

五衛[編寫 | 編寫源代碼]

江西到1370年建立「都衛」嗰軍事制度,1374年搉定衛所編製,1375年設立「都指揮使司」。

每隻衛所前後種左右有五千戶所,大概5600喇子人。1120隻人做一隻「千戶所」;112隻人做一隻「百戶所」。一隻百戶所下頭設立總旗2人、細旗10人、100隻兵。

1380年,江西都司嗰「五衛九千戶」係:

  • 南昌左衛
  • 南昌前衛
  • 袁州衛
  • 贛州衛
  • 吉安衛
    • 饒州千戶所
    • 安福千戶所
    • 會昌千戶所
    • 永新千戶所
    • 南安千戶所
    • 建昌千戶所
    • 撫州千戶所
    • 鉛山千戶所
    • 廣信千戶所

1521年,南昌左衛同得南昌前衛拕合并做「南昌衛」,吉安衛拕降做「吉安千戶所」,新添一隻「信丰千戶所」。

內文註腳[編寫 | 編寫源代碼]

  1. 張天复,《廣皇輿考》

參考資料[編寫 | 編寫源代碼]

  • 《江西史稿》,許懷林,江西高校出版社
  • 《明代政區沿革綜表》,牛平漢,中國地圖出版社,1997,ISBN 7503115408
  • 《中國歷代行政區劃》,張明庚、張明聚,中國華僑出版社,1996年,ISBN 7801200764