江西

出自維基百科
轉去: 導航

江西,簡稱叫。叫佢「江西」許係因為733年玄宗到箇裏設「江南西道」。江西位到長江中下游嗰南首,佢嗰省會係南昌

Jiangxi coloured.png

歷史[編寫]

詳細嗰內容請參照 江西史嗰重要事一覽

汉唐[編寫]

摸摸子到公元前202年嗰樣子,高帝到江西設豫章郡(先頭贛江豫章江),郡府放到哩南昌,底下管到哩18隻縣,佢俚係南昌廬陵彭澤鄱陽餘干柴桑新淦南城宜春雩都安平海昏曆陵同到建成,佢俚主要都分布到贛江、盱江、信江、修水、袁水嗰舷上,箇跟今吖江西嗰區域差不多。今吖嗰南昌贛州吉安等都係從許時間嗰基礎上發展過來嗰。

漢武帝嗰時間中國拕分成13隻監察區,叫「十三部州」,箇時間嗰江西歸揚州部管。

西晉元康元年(公元291年),改設江洲,江西早已嗰主要郡縣還係冇變什哩。

隋代「州」跟「郡」一級,箇時間嗰江西攏共有7郡24縣。

唐代又加到8州37縣,8隻州分別係:

貞觀元年唐太宗搦中國劃成10隻道(監察區),江西歸江南道733年,唐玄宗加哩5隻湊,洪、饒、虔、吉、江、袁、撫、信 8 州都歸江南西道監察區

宋元[編寫]

五代嗰時間,江西先頭係歸吳國管,末後歸南唐。交泰元年,南唐元宗到洪州建都,咁洪州也就升格成「南昌府」。

宋代搦「道」改成「路」,江西攏共有9州、4郡、68縣,大部分都歸江南西路,哈有滴子歸江南東路。

元朝嗰時間開始中書省制度(又簡稱行省或者省),箇時間嗰江西行省含到哩今吖江西嗰絕大部分地方同到廣東嗰大部分地方。行省底下哈有路、直隸州、州(跟縣級行政機構一樣)同到縣。江西行省底下有龍興、吉安、南康、贛州、建昌、江州、南安、瑞州、袁州、臨江、撫州、饒州、信州等 13 路跟南豐、鉛山 2 直隸州同到48隻縣、16隻縣級州。

宋代嗰時間,大量中原人跑到江西。接到嗰三朝,江西都係中國最喫價嗰省份之一。莫管係人口總量哈係糧食產量,哈係科舉及第嗰人數,都係中國嗰前三。

明清[編寫]

明朝基本上跟元朝嗰區劃冇兩樣,但係中書省拕改成布政使司,路改成府,州改成縣。江西布政使司管到哩南昌、瑞州、饒州、南康、九江、廣信、撫州、建昌、吉安、袁州、臨江、贛州、南安13 府,底下哈有 78 縣,箇差不多就係今吖江西嗰樣子嘍。許時間嗰承宣佈政使司、提刑按察使司、都指揮使司係江西布政使司嗰最高行政機關,中央直接節制箇三隻司。接到就係還有三位藩王寧王淮王同到益王)分封到南昌府、饒州府(鄱陽)同到建昌府(南城)。

江西布政使司到清朝拕改成江西省,行政區域基本冇變。但係吉安府增設哩蓮花、南昌府增設哩銅鼓、贛州府增設哩虔南等3隻縣級廳,哈搦寧都縣升成省轄直隸州。巡撫係全省最高嗰行政長官,底下哈有承宣佈政使司同到提刑按察使司,佢俚主要管民政、財政跟司法監察。

明清嗰時間,梅關跟贛江廣東長江最忙嗰南北通道,箇時間大量江西人遷到少人嗰湖南湖北廣東雲南貴州四川等地方,到許裏做起生意。

清朝末年,太平天國跟湘軍到江西打仗,江西嗰人口一吖子從1853年嗰2450萬跌到1873年嗰1770萬。

清朝以後[編寫]

民國以後,清朝嗰府、州、廳全都改成縣,整個江西攏共有81隻縣。1926年南昌正式改成南昌市。1934年婺源從安徽劃到江西,1947年又拕劃回去,1949年又拕劃回來。

1926年9月19號10月20號11月7號蔣介石帶北伐軍三次進攻南昌,係北伐戰爭中規模最大嗰戰役,殲掉了孫傳芳嗰主力部隊。

國共內戰嗰時候,1927年到南昌發生了「南昌暴動」。箇時間中國共產黨到江西舞正哩好幾塊根據地,有名嗰有贛西井岡山革命根據地湘贛革命根據地贛東北革命根據地(也就係後來嗰閩浙贛革命根據地)跟湘鄂贛革命根據地中華蘇維埃共和國更加拿首都設到瑞金(瑞京),也叫「紅色首都」或「紅都」。

1930年1934年箇幾年內,國民政府圍剿江西蘇區前後五次,戰爭跟「清洗」舞得江西嗰人口狂減40%。江西也係烈士最多嗰省份,國軍方面占到2/3,共軍方面占到了17%。

1934年國民政府到南昌發起新生活運動,接到推廣到全國。每年熱天國民政府嗰機關都會從南京到「夏都」廬山避暑,廬山上哈有軍官訓練團等設施。

地理[編寫]

• 鄰省:福建浙江安徽湖北湖南廣東

地形[編寫]

江西三面都係山,可以話佢係一個北邊略微開口嗰盆地。西邊佢係阜山九嶺山羅霄山脈;東邊係懷玉山武夷山脈;南邊係九連山大庾嶺,北邊挨到鄱陽湖長江,再就係有名嗰廬山。山地丘陵占全省面積嗰70%,南邊有蠻多丘陵,北邊係平原,也就係鄱陽湖平原鄱陽盆地豫章平原。江西嗰最高峰係跟福建交界嗰武夷山脈嗰黃崗山,海拔2157米。

河流跟湖泊[編寫]

贛江幾乎從南到北縱貫整個江西。鄱陽湖係中國最大嗰淡水湖,匯到贛江、撫河、信江、鄱江同到修水後,望北邊匯進長江。 重要嗰水庫有西北邊嗰修水柘林水庫跟贛江上岸嗰萬安水庫

氣候[編寫]

江西嗰氣候係亞熱帶季風氣候,1月份平均氣溫3-9 °C,7月份平均氣溫27-31 °C。年降水量1200 - 1900毫米。

行政區劃[編寫]

全省攏共有11隻地級市,同到19隻市轄區,10隻縣級市,70隻縣

經濟[編寫]

江西2004年GDP2830億人民幣,全國排第16位。城市人均可支配收入7154塊錢,排名第27位。農村人均收入2458塊錢,排名全國第16位。經濟水準跟周邊嗰浙江、廣東和福建差距蠻大,跟湖南、湖北、安徽水平差不多。

工礦業[編寫]

江西嗰有色金屬礦藏非常多,有名嗰有德興銅礦同到大庾鎢礦,有色金屬冶煉係佢工業嗰主要特點。

農業[編寫]

江西向來全國係稻米嗰主要產區。哈盛產柑桔(以南豐蜜桔著稱)、茶葉、毛竹同到杉木。廣昌係全國通芯白蓮、曬煙出口嗰生產基地,省優質烤煙嗰生產基地。

人口[編寫]

詳細嗰內容請參照 江西嗰人口

人口[編寫]

大概4千萬

總數

  • 西元2年(西漢元始2年),35.20萬人。
  • 1491年(明弘治4年),654.98萬人。
  • 1909~1911年(清宣統),1697.70萬人。
  • 1928年(民國17年),2032.28萬人。
  • 1947年(民國36年),1272.52萬人。
  • 1950年,1568萬人。
  • 1978年,3182.8萬人。
  • 1998年,4191.21萬人。
  • 2001年,4139.80萬人。

人口自然增長率 9.8‰。人口密度平均每平方公里 251 人。全省人口密度最大嗰係南昌市,平均每平方公里 566 人;人口密度最小嗰係吉安市,平均每平方公里 183 人。

民族[編寫]

江西人口以漢族占得最多,達到總人口嗰99%以上。省內哈有別嗰37隻少數民族,人口多奀子嗰有回族、畬族等。江西係中國境內少數民族比重最低嗰省份。

贛南跟粵北、閩西係客家民系嗰主要聚居地。贛西北銅鼓等地也有客家人住。

文化[編寫]

歷史文化名城:

Porcelain Workshop, Jingdezhen, Jiangxi, China.jpg

景德鎮:號稱「瓷都」

萍鄉:號稱「江南煤海」

南昌 贛州 安義 臨川 九江

贛劇

江西菜

語言[編寫]

贛語[編寫]

贛語係江西嗰主要語言

客家話[編寫]

客家話嗰使用人口主要住到贛南,同到贛西北嗰銅鼓

江淮官話[編寫]

九江話江淮官話

西南官話[編寫]

贛州市章貢區同到信豐縣城話西南官話

徽語[編寫]

婺源縣話徽語

吳語[編寫]

上饒、廣豐、玉山話吳語

宗教[編寫]

基督教[編寫]

可統計嗰信徒大概有47萬

  • 江西大部分基督徒有中國內地會背景

佛教[編寫]

可統計嗰信徒大概有142萬人。江西係一些重要宗派嗰發源地。

道教[編寫]

可統計嗰信徒大概有10萬

天主教[編寫]

可統計嗰信徒大概有10萬

伊斯蘭教[編寫]

穆斯林大概有1萬人

旅遊[編寫]

Mount Lushan - fog.JPG
  • 廬山:九江市郊嗰北頭,1996年列為世界遺產。
  • 三百山
  • 上饒集中營
  • 八一紀念館
  • 安義文峰塔
  • 安義古浮橋
  • 新喻仙女湖
  • 樂平古戲臺
  • 武功山:江南三大名山之一,在萍鄉市蘆溪縣跟安福縣
  • 三清山:2005年拕列入世界遺產預備名單,2007年拕正式提名為2008年世界自然遺產申報項目

交通[編寫]

  • 浙贛鐵路(947千米),連到杭州同到株洲,東西向橫穿贛北,1937年通車。
  • 滬瑞高速公路,起點係東頭嗰上海,終點係跟緬甸交界嗰雲南瑞麗。東西縱貫江西全境。
  • 九景衢铁路(九江-景德镇-衢州),从九江经过鄱阳,景德镇连到金华衢州,纵贯赣东北,2010年开建,但因为铁道部取消,工期拖延,预计2017年通车。

教育[編寫]

南昌大學 南昌航空工業學院 華東交通大學 江西農業大學 江西師範大學 江西財經大學 江西理工大學 東華理工學院 景德鎮陶瓷學院 南昌工程學院 江西中醫學院 贛南醫學院 井岡山學院 江西科技師範學院 上饒師範學院 贛南師範學院 宜春學院 九江學院 南昌氣象學院 江西藍天學院 萍鄉市安源學院

名人[編寫]

• 陶淵明(九江):(365—427),東晉詩人。

• 晏殊(臨川)(901-1055),北宋詞人。

• 歐陽修(永豐):(1007-1073),北宋文學家、史學家,「唐宋八大家」之一。

• 曾鞏(南豐):(1019-1083),北宋散文家,「唐宋八大家」之一。

• 王安石(臨川):(1021-1086),北宋政治家、思想家、文學家,「唐宋八大家」之一。

• 晏幾道(臨川):(約1030-1106),晏殊嗰小仔(或者係第七隻仔),北宋詞家。

• 黃庭堅(修水):(1045—1105),北宋詩人,書法家。

• 汪應辰(玉山):(1118-1176),南宋官吏、詩人、散文家。

• 洪邁(鄱陽):(1123-1202),南宋文學家。

• 楊萬里(吉水):(1127-1206),南宋詩人。

• 朱熹(婺源):(1130-1200),南宋哲學家,係宋明理學嗰奠基人.

• 陸九淵(金溪):(1139-1193),南宋哲學家,佢在以前儒學發展嗰基礎上,創立了心學體系,開創了心學一派。

• 姜夔(鄱陽):(約1155-1221),南宋詩詞作家、音樂家。

• 趙長卿(南豐):(?-1224左右),南宋詞人。

• 謝枋得(弋陽):(1226-1289),南宋末年詩人、學者、民族英雄.

• 劉辰翁(吉安):(1232-1297),南宋末期辛派詞人嗰愛國詞人。

• 文天祥(吉安):(1236年-1283年),南宋民族英雄、愛國詩人。

• 馬端臨(樂平):(1254-1323),宋末宰相馬廷鸞嗰仔,宋、元嗰時間有名嗰史學家。

• 周德清(高安): (1277-1365),宋周美成之後,佢係元代最辣嗰音韻學家兼戲曲作家。

• 解縉(吉水): (1369年-1415年),明代學者、文學家,主持編纂偶國第一本百科全書嗰巨著《永樂大典》。

• 況鐘(靖安):(1383-1443),明代官吏、詩人。

• 嚴嵩(分宜):(1480年-1567年),明朝嘉靖年間內閣首輔。

• 毛伯溫(吉水):(1487年-1544年),明朝嘉靖年間兵部尚書。

• 湯顯祖(臨川):(1550-1616),明代偉大嗰戲劇家、文學家。

• 鄒元標(吉水):(1551年-1624年),明代東林黨首領。

• 宋應星(奉新):(1587-1666)明朝科學家、詩人。著《天工開物》

• 魏良輔(南昌):(生卒年不詳),明代戲曲音樂家。後世奉佢係昆腔鼻祖,藝壇尊為“曲聖”。

• 朱耷(南昌):(1626年-1706年),明末清初畫家。

• 魏禧(寧都): (1624年-1681年),清初散文家。

• 蔣士銓(鉛山): (1725年-1785年),詩、文、戲曲創作有傑出成就,跟袁枚、趙翼合稱“乾隆三大家”或“江右三大家”。

• 張勳(奉新):(1854年-1923年),軍事家。

• 文廷式(萍鄉):(1856~1904),晚清政壇“清流派”領袖,「四大公車」之一。

• 陳三立(修水): (1858年—1937年)“維新四公子”之一,近代同光體詩派重要嗰代表。

• 詹天佑(婺源):(1861年-1919年)中國鐵路之父,鐵路工程專家

• 歐陽竟無(宜黃):(1871年-1943年),近代佛學家思想家、教育家,別人叫佢「宜黃大師」。

• 陳衡恪(修水): (1876年-1923年),陳三立大仔,近代著名畫家。

• 李烈鈞(武寧): (1882年-1946年),革命家。

• 陳寅恪(修水): (1890年-1969年),詩人陳三立嗰三仔,史學家。

• 饒毓泰(臨川):(1891年-1968年),中國近代物理學奠基人之一。

• 劉峙(吉安):(1892年-1971年)中國國民黨高級將領。

• 熊式輝(安義):(1893年-1974年),江西省主席。

• 胡先驌(南昌):(1894年-1968年),中國植物分類學之父,中國生物學界鼻祖,加州伯克利大學學士學位,哈佛大學博士學位,係國立中正大學首任校長,領導跟參與創辦了中國第一隻大學生物系、第一隻生物研究所,幫到了靜生生物調查所、廬山植物園等。

• 羅家倫(進賢):(1897年-1967年),教育家,曾任中央大學校長和清華大學校長。

• 張國燾(萍鄉): (1897年-1979年),中國共產黨創始人之一。

• 吳有訓(高安): (1897年-1977年),中國近代物理學先驅,芝加哥大學博士學位,曾經係清華大學理學院院長、中國科學院副院長跟南京大學嗰校長等,曾經在哈佛大學和麻省理工學院搞科研工作,跟諾貝爾物理學獎嗰得主康普頓一起驗證了“康普頓-吳有訓效應”等,還先後培養了王淦昌、錢三強、錢偉長、鄧稼先、楊振寧、李政道、馮端等一大批科學家。

• 方志敏(弋陽):(1899年-1935年),中國共產黨革命家。

• 桂永清(貴溪):(1900年-1954年),中國國民黨高級將領。

• 黃維(貴溪):(1904年-1989年),中國國民黨高級將領。

• 傅抱石(新淦): (1904年-1965年),畫家、金石家、美術理論家、美術教育家。

• 康克清(萬安):(1911年-1992年),朱德妻子,曾任中國人民政治協商會議副主席。

• 章亞若(萬安): (1913年-1941年),中華民國總統蔣經國嗰愛人。

• 余秋裏(吉安):(1914年-1999年),曾任中華人民共和國國務院副總理、中國人民解放軍總政治部主任。

• 吳運鐸(萍鄉): (1917年-1991年),「中國嗰保爾」,兵工專家。

• 程抱一(南昌): (1928年-),著名作家,法蘭西學院院士。

• 吳官正(餘干): (1938年-),中共中央政治局常委、中共中央紀律檢查委員會書記。

• 曾慶紅(吉安): (1939年-),中共中央政治局常委、國家副主席、中央書記處書記、中央黨校校長。

• 高行健(贛州): (1940年-),2000年諾貝爾文學獎嗰得主。

• 何大一(新餘): (1952年-),世界知名醫學家。

1949年以後嗰省領導人[編寫]

詳細嗰內容請參照 江西中華人民共和國時期嗰職官一覽

省委書記

陳正人楊尚奎程世清江渭清白棟材萬紹芬毛致用吳官正舒惠國孟建柱蘇榮

省長

邵式平、方誌純、程世清、江渭清、白棟材、趙增益、倪獻策、吳官正、舒聖佑、黃智權、吳新雄

外部链接[編寫]