香港

出自維基百科
香港嗰旗
香港嗰徽

香港,全名係中華人民共和國香港特別行政區,係歸中國管嗰一隻特別行政區,佢位嘚亞洲嗰南滴子,珠江口嗰東邊,由香港島、九龍半島、新界內陸地區,跟到262隻島構成。佢嗰北邊係廣東嗰深圳市,南邊係廣東嗰珠海市萬山群島。佢跟澳門蠻攏嗰,箇兩隻地方佮拕喊做「港澳地區」。

香港特別行政區嗰建立係揸得中國跟英國簽訂嗰《中英聯合聲明》。秦朝以後香港就係中國領土,一直到19世紀清朝中葉,佢拕割或租得英國。1997年7月1號英國統治結束對香港,拿主權交得中華人民共和國。中方答應實行一國兩制,並且50年內不會變,箇就係所謂嗰「港人治港、高度自治」。

第二次世界大戰後,香港嗰經濟跟社會迅速發展。身為「亞洲四小龍」之一,香港係全世界最富裕、經濟最發達跟生活水準最高的地區之一。香港係亞洲重要嗰金融、服務跟航運中心,佢嗰廉潔嗰政府、良好嗰治安、自由嗰經濟體系跟完善嗰法制讓佢世界聞名。

歷史[編寫 | 編寫源代碼]

香港嗰人類活動歷史有五六千年箇久。秦朝以後,基本上劃歸廣東地方管。1842年鴉片戰爭以後,香港分幾次拕割或租得英國。中日戰爭嗰時候,香港拕日本佔領。戰後中華民國政府想要回香港,但中英冇話成。一直到中華人民共和國時期,香港變成中國内地唯一嗰物資轉運中心。1984年12月19號,中英達成協定,英國決定到1997年7月1號拿香港還把中國。主權移交後嗰箇幾年,香港接連受到亞洲金融危機、禽流感、SARS嗰滴子打擊,政治方面也有滴子變故。2004年以後,香港經濟開始好轉。

地理[編寫 | 編寫源代碼]

香港面積攏共有2,755.03平方公里,土地有1,103.97平方公里,主要分成香港島、九龍半島、新界三塊地方。

人口[編寫 | 編寫源代碼]

到2005年,香港總共有693萬多人,箇也讓香港成為世界上人口最密嗰地方之一,每平方公里平均有6420隻人。

經濟[編寫 | 編寫源代碼]

香港總嗰GDP係1兆4722億9100萬港幣,世界排嘚35名。人均GDP 有21萬4710港幣,世界排嘚26名。

政治[編寫 | 編寫源代碼]

香港箇下實行「港人治港、高度自治」嗰政策,跟内地嗰政治制度完全不搭界。

文化[編寫 | 編寫源代碼]

香港嗰電影、流行音樂跟中餐等到全世界都有蠻大嗰影響力。