出自維基百科
轉去: 導航
中國歷史
中國史系列
史前时期
傳說時期
西周
東周 春秋
戰國
西漢
新朝
東漢
三國
西晉
東晉 十六國
南北朝 北魏
東魏 西魏
北齊 北周
隋朝
武周
中華民國
中華人民
共和國
中華民國
(去望台灣問題)
唐朝嗰疆域

唐朝(618年—907年),係中國史上最要緊嗰朝代之一,唐朝皇室姓,故係也叫「李唐」,係李淵等隋滅吥之後建嗰國。一般都公認唐朝係中國史上最興旺嗰朝代之一,也與漢朝並稱「漢唐」。佢到7世紀嗰最盛期間,中亞嗰砂漠地帯都拕大帝國支配,朝鮮半島嗰渤海國,日本等國到政制、文化等嗰方面都多大受佢嗰影響。唐王李淵到618年逼隋恭帝讓位,仰上改國號為唐(尊稱「大唐」),建立唐朝,以長安(今陝西西安)為京城(後又改叫西京、中京、上都等),接到設洛陽為東都(後改叫東京),太原為北都(後改叫北京),同長安合稱「三都」,接到還先後做嘞兮陪都就像成都、鳳翔、江陵等,但吖子就做銷嘞。唐朝鼎盛時期嗰西元7世紀嗰時間,中亞等地也受唐支配。690年,武則天改國號為周,遷都到神都(洛陽),史稱武周。一徑到705年,唐中宗復辟稱帝,咁才改回「唐」箇隻國號,搦首都遷回長安。唐朝嗰國力到唐玄宗開元年間到達頂點。天寶十四載(755年)嗰安史之亂係轉捩點,國力仰上風快敗落。到唐末民變後中央政府實際拕梁王朱全忠把到,首都遷到洛陽。907年朱全忠逼唐哀帝禪位,唐朝箇就告亡嘞,拕朱全忠建嗰新朝——後梁替代,箇也就係五代十國時期嗰起頭。唐朝攏共289年,傳22個皇帝(包括武則天)。唐帝國嗰文化、政治、經濟、外交等方面都非常喫價,係許時間全世界最嗱嗰國家之一。

國號[編寫]

國號嗰「唐」係而今山西省嗰中心許塊地域到「晉」嗰古名。古时间嗰堯建立嘍隻傳說上嗰「陶唐」,周嗰時代武王嗰崽「唐叔虞」設立晉嗰別稱「唐」,而今嗰湖北省嗰一部分就係已知嗰唐嗰國號下底嗰隻小國。唐嗰滅亡之後,五代十國時代嗰李存勗嗰後唐同到十國嗰南唐都自認係唐嗰後繼者並以「唐」做國號。箇兮朝代嗰皇帝都話自家有唐室嗰血統。

李氏[編寫]

唐朝李淵嗰李氏係隋嗰帝室同到武川鎮軍閥嗰出身。『舊唐書』・『新唐書』都話李氏係李耳(老子)嗰子孫,西涼嗰初代王・李暠哈係佢屋裡嗰遠祖。北周時間鮮卑執行嗰復古政策,李氏受迫改叫「大野」嗰姓,箇係指一時新造出來嗰名子。唐李氏嗰系譜可以一逕同西涼嗰李氏聯繫掛上鉤,唐李氏係鮮卑系血統嗰見解出自早先日本嗰宮崎市定,中國學界覺得咁係「日本軍為到支配中國而出嗰支持論説」而大加批判。

歷史[編寫]

唐嗰歷史有300年嗰樣子,咁長嗰統治,帶來嗰係唐代嗰時間嗰非常大嗰社會變動。一般來話,唐嗰歷史通觀下來可以細分成初唐,盛唐,中唐,晩唐嗰四隻期。

初唐(7世紀初頭~)[編寫]

7世紀初頭嗰中國係由隋實現嗰國家統一,第二代煬帝嗰內政上嗰失政同到外征上嗰失敗嗰扤得各地反亂,全國陷進大混亂。箇時間嗰太原留守(總督)李淵到617年(義寧元年)舉兵,煬帝嗰留守中嗰都,大興城(長安)陷落到佢手中,佢尊煬帝係太上皇帝(前皇帝)接到搦佢嗰孫恭帝侑立成隻傀儡嗰皇帝,隋嗰中央有佢掌握。翌618年(隋義寧2年,唐武德元年)煬帝到江南拕人殺害,李淵讓恭帝禪讓到佢仰上就即位(高祖),唐就咁建國嘍。 建國嗰時間中國嗰各地依然哈有好多隋末舉兵嗰群雄爭鬥,高祖嗰二崽李世民就到處討伐殲滅。建國嗰勳功都係李世民一個人立下嗰,626年高祖嗰大崽皇太子嗰李建成拕殺(玄武門之變),第二代嗰皇帝(太宗)繼位。 太宗開始外征許時間嗰北方嗰強國突厥並讓蒙古高原置於佢嗰支配下,北方民族搦天可汗箇隻天帝嗰稱號贈到佢。內治上確立嘍影響中國之後非常長嗰時間嗰政治理想形態「三省六部」同到宰相嗰制度,箇時間嗰政治係名氣忒高嗰貞觀之治。由佢嗰治世寫正書嗰『貞觀政要』一逕都係日本、朝鮮等國嗰帝王要學習多讀嗰教科書。

太宗嗰治世之後奠定嘍唐嗰國基,第三代高宗嗰時代取得隋以來嗰首回對高句麗成功征伐,咁就國勢迎來嘍最初嗰絶頂期。話係咁話,但高宗個人嗰政治欲望淡薄,天后武后(武則天)一族嗰武氏緊接到開始専橫朝政。代夫掌握實權嗰武則天等高宗嗰過後,改廢幾回傀儡天子後就仰上自立帝位嘍,690年(載初元年)改國號為「周」(武周)。

武則天係中國史上最初哈係最後嗰一隻女皇帝,佢一個人施行恐怖政治任用酷吏,但係野都養成兮優秀嗰政治人材。等武則天漸入老境床事頻繁之後,佢嗰權威野就衰下來嘍。705年(神龍元年),宰相張柬之迫佢退位。こ武則天退位之後佢迫崽再繼中宗嗰帝位,唐重新復活,周傳一代15年就滅亡嘍。

嘎箇回就更辣,有「第二武則天」嗰叫法嗰中宗嗰皇后韋氏都搦中宗毒殺死嘍。韋後背後扶持傀儡皇帝殤帝即位,禪讓上拕中宗嗰甥李隆基同到武則天嗰女太平公主嗰一齊反對。佢個俚起兵之後仰上就族殺韋後,拕武則天逼迫退位皇位嗰睿宗嗰崽李隆基再繼佢爺嗰帝位。之後,李隆基同到太平公主箇回照樣又再起爭端。

7世紀後半一徑到8世紀前半箇段後宮中心緊係頻發政亂,咁就經常搦主導嗰兩隻皇后嗰姓稱呼為「武韋之禍」。

盛唐(8世紀初頭~)[編寫]

中唐(8世紀半~)[編寫]

晩唐(9世紀半~10世紀初頭)[編寫]

政治[編寫]

官制[編寫]

地方制度[編寫]

經濟[編寫]

文化[編寫]

文學[編寫]

國際關係[編寫]

外部連接[編寫]

Commons-logo.svg
維基同享有更多媒體嗰資料: