中華民國
出自維基百科
 中國史系列 |
|||||||||
| 史前时期 | |||||||||
| 傳說時期 | |||||||||
| 夏 | |||||||||
| 商 | |||||||||
| 周 | 西周 | ||||||||
| 東周 | 春秋 | ||||||||
| 戰國 | |||||||||
| 秦 | |||||||||
| 漢 | 西漢 | ||||||||
| 新朝 | |||||||||
| 東漢 | |||||||||
| 三國 | 魏 | 蜀 | 吳 | ||||||
| 晉 | 西晉 | ||||||||
| 東晉 | 十六國 | ||||||||
| 南北朝 | 宋 | 北魏 | |||||||
| 齊 | |||||||||
| 梁 | 東魏 | 西魏 | |||||||
| 陳 | 北齊 | 北周 | |||||||
| 隋朝 | |||||||||
| 唐 | 唐 | ||||||||
| 武周 | |||||||||
| 唐 | |||||||||
| 元 | |||||||||
| 明 | |||||||||
| 清 | |||||||||
| 中華民國 | |||||||||
| 中華人民 共和國 |
中華民國 (去望台灣問題) |
||||||||
中華民國位到亞洲嗰東頭、太平洋嗰西海岸，佢實際管到嗰領土有台灣同到別嗰滴子附屬島嶼、澎湖群島、金門群島、馬祖列島、東沙群島哈有南沙群島嗰太平島跟中洲島，實際面積36,188 平方公里。首都係臺北，遷台前係南京。中華民國係第二次世界大戰嗰主要戰勝國，也係聯合國五隻主要創始會員國之一。三民主義跟五權憲法係佢現行政治制度嗰思想根源。中華民國政府而今還冇放棄中國大陸地區嗰主權，法定領土為1947年制憲時候冇「固有疆域」嗰範圍。中華民國也冇承認釣魚臺列嶼、琉球群島歸日本。一滴子台灣人主張要根據憲法嗰第四條跟憲法增修條文嗰第一條改變固有疆域同到明確定義領土，但係因為門檻太高，加上中華人民共和國跟國際嗰壓力，故係箇哈係蠻難實現嗰。
目錄 |
[編寫] 歷史
1911年辛亥革命成功後，10月11號在武漢建立了中華民國，1912年1月1號到南京組建哩國民政府，箇係亞洲第一隻民主共和國。同年2月12號，溥儀宣佈退位，哈發哩退位詔書：「將統治權歸諸共和立憲之大中華民國」。從1912年建立開始，中華民國就係世界普遍認可嗰獨立主權國家，話係將將建國嗰許幾年子有短暫嗰洪憲帝制跟溥儀復辟，但1917年以後，中華民國嗰國祚再冇中斷，許中間哈有內亂外戰、頻繁遷都。1949年中華民國政府輸掉國共內戰，遷到台灣；中國實際上變成兩岸分治嗰未定狀態。1990年代以前，中華民國政府堅決主張自簡係中國嗰唯一合法政府，發誓要打回大陸。想用「民主、自由、均富」嗰原則謀求統一中國嗰國家統一綱領到1991年正式頒佈。但係2006年2月27日箇隻國家統一綱領已經拕陳水扁總統「終止適用」。
中華民國向來覺得自己係中國嗰正統傳承者。1970年代外交連到失敗，中華民國慢慢失掉了國際社會嗰官方承認，聯合國跟國際社會接連承認中華人民共和國係「中國」嗰唯一合法代表；「中國」箇隻詞也變成中華人民共和國嗰簡稱。中華人民共和國否認中華民國嗰國家地位，又對佢進行一定程度上嗰外交封鎖，「中華民國」箇隻名字在國際上嗰空間越來越少；自1990年代末中華民國開始採行務實外交，國際上開始用「台灣」來稱呼中華民國實際管轄嗰台澎金馬地區。
