Wikipedia:五大支柱

捷徑： WP:5P

偶俚可濃縮全部維基百科嗰政策同到指引成「五大支柱」。佢俚定義維基百科嗰性格係:

	維基百科係部百科全書由一般百科全書、專業類書、年鑒嗰元素組成。每篇文章都要遵守箇首嗰追認來源政策，資料要有準確可靠可驗嗰來源；維基百科不接受原創研究。維基百科不係什哩都收嗰全書。不係路邊雜誌、城市論壇(en:soapbox)、自我宣傳嗰刊物，無政府主義或民主實驗場、網上黃頁；哈都不係一疊源文獻、字典或報紙－－想尋箇滴東西請去維基文庫、維基字典同維基新聞。維基百科不係倷發表意見、分享經驗、議論嗰地方。

	維基百科取中立嗰觀點 ---- 偶俚要求文章不會只係提倡一種觀點。要準確描寫各觀點，同到提供背景，幫讀者明白係話什哩，不可以光話某一觀點最好、最辣。故係，要可能，寫東西要提供可驗、公信嗰根據，尤其係寫啲有爭議嗰題目。要係編輯之爭發生，冷靜一吖子；到討論頁話吖子別嗰細節，參閱解決爭議。

	維基百科內容自由什哩人都編輯得正。箇首嗰東西都以GNU自由文檔協定 (GFDL)發表，可以咁樣傳播同到連結。請瞭解：箇首嗰東西什哩人都改得，冇有人可以控制任何一篇文章；故係，倷寫東西也就要係話要讓別嗰人都改得正。嫑提交侵犯版權嘢或者同GFDL相衝突嗰內容。

	維基百科有行為嗰規範：尊重倷周邊嗰維基人，就算倷伓同意佢俚。守禮貌。什哩時間都嫑攻擊人。嫑一竹篙打一船人。編輯時間挭仗就要保持冷靜；避免挭冇油鹽嗰編輯仗－－一日嫑反轉人家嗰編輯多過三道。請記得：箇首有六千六百八咁多篇文章讓倷寫。常帶善意，嫑讓維基百科去證明一點，也要假設別嗰都有人善嗰。開心見誠，包容。

	冇死板嗰規則除吥箇五條支柱。放膽修改。追求完美當然好，但冇必要。全部修改都有紀錄，故係倷伓會伓覺得咁就破壞到維基百科。但記得 — 箇首冇管倷寫什哩都會拕保存。