鄉試

出自維基百科

鄉試係早以江西最高級別嗰科舉考試,佢係到南昌貢院裡頭舉行嗰,考生來自各地縣學

嗰時間,鄉試又叫「鄉貢」、「解試」。嗰時間哈有「大比」嗰話法。鄉試嗰主要內容係《四書》、《五經》、策問、八股文等形式,由正、副兩隻主考官監考。

根據1384年頒布嗰《科舉程式》法令,鄉試每三年舉行一回,考期位到子、午、卯、酉年嗰秋八月,故係叫「秋闈」,係正科。有時間也會逢到「恩科」嗰加試。

內容[編寫 | 編寫源代碼]

鄉試攏共考三場,每場考三日。考生以「八股文」(破題、承題、起講、領講、提比、中比、束比、大結)嗰固定結構答題。

  • 第一場:八月九號舉行,考四書義(《論語》、《孟子》、《大學》、《中庸》)三道題,同嘚五經義(《周易》、《尚書》、《詩經》、《周禮》、《春秋》)四道題。
  • 第二場:八月十二號舉行,考論一道、判五條、詔誥表內科一道,代古人立言。
  • 第三場:八月十五號舉行,考經史時務第五道。

過程[編寫 | 編寫源代碼]

江西布政使司係主持鄉試嗰最高長官,試卷也係歸佢負責印嗰。鄉試嗰正、副主考官一般都係進士出身,另外也會有四隻考官陪同監考。

考試期間,考生要清時蠻早就入闈,編號入室。要係斷夜都冇答完卷,考官會發三根蠟燭。箇時間需要嗰寫嗰筆紙、喫嗰食物都由考官派送。

考試一開始,考生要到卷首寫正佢自簡同嘚佢三代人嗰姓名、籍貫、年甲,跟佢揀嗰本經。考生搦墨筆答卷,末後由謄錄官搦硃筆抄錄,只寫考生編號,交考官批閱。每卷嗰收卷、彌封、謄錄、對讀、受卷等程序都有專人到邊上眏到。

評卷[編寫 | 編寫源代碼]

一張考卷先頭係由同考官批閱起,寫正評語后搦到主考官,佢接嘚批閱𠵹一張考卷就會有6隻考官嗰批印。通過三場考試嗰人就係「舉人」,頭名就係「解元」。

示例[編寫 | 編寫源代碼]

江西鄉試(1627年)嗰相關檔案:

  • 官員
    • 主考官:倪元璐(翰林院編修)
    • 監臨官:巡按江西監察御史
    • 提調官:江西左布政使同嘚右參議
    • 監考官:江西按察司副使
    • 同考官:十三府嗰推官同嘚縣令
    • 別嗰官員:印卷官、收掌官、試卷官、彌封官、受卷官
  • 考題
    • 第一場(《五經》裡頭任選一經,答全四題,要寫300字以上嗰八股文)
      • 四書義
        • 臨之以庄則敬,孝慈則忠,舉善而教不能則勸
        • 從容中道聖人也
        • 皜皜乎不可尚已
      • 五經義
        • 《易》
          • 在師中吉承天寵也
          • 益動而巽,日進無疆
          • 知以藏往
          • 為君為父為玉為金
        • 《書》
          • 以昭受上帝,天其申命用休
          • 監於先王成憲
          • 用敷錫厥庶民
          • 率惟謀從容德
        • 《詩》
          • 八月在宇
          • 君子攸躋
          • 惠于朋友,庶民小子,子孫繩繩
          • 有虔秉鉞
        • 《春秋》
          • 秋九月齊侯宋公江人黃人盟於貫(僖公二年)
          • 秋齊侯使宋公江人黃人會於陽谷(僖公三年)
          • 春王正月公會齊(僖公四年)
          • 冬楚子使椒來聘(文公九年)
        • 《禮記》
          • 庶民安,故財用足
          • 動已,而天地應焉
          • 明足以見之仁,足以與之
          • 清明在躬
    • 第二場(作文)
      • 聖人博聞多見,蓄德以待物
      • 詔誥表(內科一道):「擬漢問郡國所舉賢良文學,民所苦教化之要」(始元元年)
      • 擬唐以馬周為監察御史誥(貞觀六年)
      • 擬上命儒臣纂修《五經四書性理大全》,書成,學士胡廣等恭呈御覽進表(永樂十三年)
    • 第三場(經史時務策論)

參考資料[編寫 | 編寫源代碼]

  • 《明代登科錄編》,台北,學生書局影印本,1977年