縣學係早以嗰一類公立學堂，江西十三府大部分嗰縣城都設立過縣學機構。
明朝嗰時間，縣學一回單收20隻生員，但各鄉童生多傷哩，故係進入縣學嗰選拔非常激烈。選拔過程分三到。一隻童生要連得通過三場篩選，全部合格，𠵹才得進縣學。
起先係「縣試」，縣官會到每年嗰二月份主持考試，應考嗰童生要作八股、試貼詩、經論等，依名次錄取。四月份，通過嗰考生要到所在嗰府治接受第二到嗰「府試」。最後係「省試」，考生要到駐地南昌嗰省學政參加考試。末底督盈下來嗰考生，每隻縣大概得有20喇隻，佢俚就係縣學生員或廩生。
進入縣學嗰廩生接得要接受三年兩回嗰省學政主持嗰「歲考」，以文字優劣分做六等，三等以上嗰及格者得允許參加鄉試。
