亞洲

出自維基百科
轉去: 導航
亞洲

亞細亞洲(古希臘文:Ασία),又簡稱亞洲,絕大部分都位到北半球,係全世界上最大,最多人嗰一隻。佢東頭一徑到白令海峽嗰傑日尼奧夫角(西經169度40分,北緯60度5分),南頭一徑到努沙登加拉群島(東經103度30分,南緯11度7分),西頭一徑到巴巴角(東經26度3分,北緯39度27分),北頭一徑到切柳斯金角(東經104度18分,北緯77度43分),最高嗰山係珠穆朗瑪峰。亞洲東西嗰時差係11小時。佢西首連到歐洲,箇就係世界上最大嗰大陸-歐亞大陸

亞洲嗰東首係太平洋、北邊係北冰洋,南邊係印度洋,西首拕烏拉爾山脈、烏拉爾河、里海、高加索山脈、黑海、土耳其海峽及愛琴海跟歐洲分隔開,西南首隔到亞丁灣、曼德海峽、紅海、蘇伊士運河跟非洲相望,東北首隔到白令海峽跟北美洲相望。

「亞細亞」箇隻名字非常老,希臘人叫佢俚嗰東部(也有人話係日頭升起來嗰地方)「亞細亞」,箇可能係亞述人教佢俚嗰。

歷史[編寫]

最早嗰蘇美爾文化就係亞洲嗰,另外像印度中國波斯等古國全在亞洲。


地理[編寫]

全亞洲山地、高原跟丘陵佔到75%左右,平原25%。

佢嗰青藏高原係世界最高嗰高原,佢嗰死海係世界嗰最低點,佢嗰里海係世界最大嗰湖,佢嗰貝加爾湖係世界最深嗰湖。