中國抗日戰爭

出自維基百科
日本佔到嗰中國領土

中國抗日戰爭,係話二十世紀三十年代到四十年代,日本入侵中國扤出來嗰中日兩國之間嗰戰爭,主戰場係中國,最末中國贏得箇場仗而結束。

箇場仗到不同嗰所在叫法不一樣。中華民國政府同中國民間叫佢八年抗戰中日戰爭等,中國共產黨中華人民共和國政府叫佢中國人民抗日戰爭,日本就叫佢日中戰爭(日語:日中戦爭)或支那事變,西方國家基本上係叫第二次中日戰爭(Second Sino-Japanese War)。

抗日戰爭1945年8月15日結束,但佢其開始嗰時間有好兮話法。普遍覺得全面抗日戰爭起頭於1937年7月7日嗰盧溝橋事變,到1945年8月15日日本冇條件投降結束,攏共九十七月又八日,八年有多,八年抗戰也就係咁來嗰。還有人覺得佢有1931年9月18日嗰九一八事變起頭,咁就係十四年/十五年抗戰。更加有人覺得,中華民國政府到1941年12月9日嗰珍珠港事件爆發後兩日,才正式同日本宣戰,咁算抗日戰爭就伓到4年。箇時間嗰戰爭放大到全太平洋地區,中國同美國英國嗰同盟國一道打贏日本,中國嗰抗戰也就係第二次世界大戰太平洋戰爭嗰一部分。