Wikipedia:全靚文章/2011年5月19號

冕服係古時間代表得至高禮制嗰衣著體系，係皇帝嘚祭拜天地、宗廟、正旦、聖節等禮祀活動裡頭著嗰衣裳。完套嗰冕服主要含得冕冠、衣裳（上衣、中衣、下裳）、袴、襪、舄、腰帶（革帶、大帶）、蔽膝、佩玉、綬、劍、圭等構件。冕服嗰「形制」依得佢俚嗰款式、色氣、大細，拕分成不同等級，形成國家嗰正式典章制度，箇就係「以禮為服制」。

冕服係王公貴胄嗰專有服飾，不同等級嗰貴族又拕配以不共樣嗰冕服，皇帝也揸得出席場合嗰不同穿著相配嗰冕服。冕服制度嗰奠定係華夏人中央集權社會嗰象徵。各自利益集團形成差別等級、階層，承認自簡所屬嗰價值地位。天子通過箇隻等級秩序統治四方，佢嗰服飾搦佢同得別嗰社會人群區分開，係下底人不得僭越嗰規章。