利瑪竇住嘚南昌嗰經歷係話意大利傳教士、學者利瑪竇到公元1595年6月-1598年6月嗰箇段時間裡頭住嘚南昌嗰經過歷程。居昌嗰期間，佢通過兵部侍郎石星嗰好友王繼樓醫生，結識到許時間江西嗰社會名流，像建安王朱多㸅、樂安王朱多焿、江西巡撫陸萬垓、南昌知府王佐、文學家李日華、理學家章潢箇滴子南昌嗰上流人物。佢也短得機會就刊發關於西方宗教知識嗰書冊，末後佢都拕邀請到江西第一學府——白鹿洞書院進行講學活動，做起中國嗰第三間教堂——「聖堂」。
