《To Autumn》（《至秋》）係英國浪漫主義詩人吉茨嗰一首詩。箇隻作品嘚1819年9月19號寫正，第年發表嘚吉茨嗰詩集裡頭。《To Autumn》係吉茨嗰「1819年 六大俄打」嗰最晏嗰詩作。箇首詩有三隻詩節，每隻詩節有一十一行韻文，描述季節嗰進程變化，由作物嗰晏熟到大收再到秋末冬來嗰許幾日。詩作通過對秋天嗰擬人化、收穫嗰豐産、視聽嗰感官，表現出豐富嗰想像力。《To Autumn》拕評做英語最精彩傑出嗰短篇詩之一、英語抒情詩最常刊選嗰作品之一。
