1
1係0同2之間嗰自然數，亦係最細嗰奇數。古時1係最細嗰數。漢字寫做一，好多文明都用一豎或一橫寫個1。
集合論中，1 拕定義為{0}。
漢字可以寫成一，古文又寫成弌[1]。佢好生容易拕人改，故係又寫做壹。
一字到甲骨文、金文、箓文都係用一橫寫出來，箇隻字係來自算籌。[2]而弌字係加嘍聲符弋嗰字。[3]。甲骨文算籌由一到四，即係一二三亖，之上就用假借字表示。[2]
一迪子詞性上係數詞，而壹係形容詞。故係壹用原本只係專一咁話，壹當數字咁用，係武則天嗰時間發明嗰。[4]
一係古時最細嗰數，姑係引申做開頭。
《說文解字》首創一部，同一字形兼字義有關嗰字先歸入去。《康熙字典》部首，保留一部，不過只係字形上來話，收嗰字未必同一有關。一部係歸入子集，排第一。之後嗰部首檢字法為主嗰中文字典，多數都跟康熙字典排法，一往往係第一隻部首同第一隻字。
一字字形可以做偏旁，不過伓係所偏旁都同一有關。
一古音於悉切，入，質韻，影。[4]
對於任何數x：
- x·1 = 1·x = x
- x/1 = x
- x1 = x
- 1x = 1
- x@1 = x and 1@x = 1
- 對任意數x，當x伓係0嗰時間，x0=1
- 斐波那契數列嗰第2項同到第3項。
- 1伓能夠作為進位制嗰底。
- 1伓能夠做對數嗰底。
- 1嗰倒數係佢自家。
- 階乘，0!=1!=1
- 概率論中，一樣樣本空間中一定發生嗰隨機事件嗰機會率定義為1。
- 1係正數、整數、最細嗰正整數、奇數、實數、有理數、代數數。
- 幾何學中，單位圓嗰半徑係1。
- 歐拉公式，，搦數學上五個最重要嗰常數用最簡約嗰方式建立起關係。公式中包含1、0、自然對數嗰底e、圓周率π同到複數嗰虛數單位i。
電腦科學嗰1經常用話真值嗰「真」值，即係箇場事符合程式碼嗰要求。而幾何光學，真空嗰折射率係1，咁即係話代表到真空裡頭，光嗰速度伓會變。
到中華文化中，「一」特別賦予萬物之始嗰意義：「惟初太極，道立於一，造分天地，化成萬物，凡一之屬皆從一」（《說文解字》）。道德經有道生一，一生二。 一亦可以代表天，易經就有寫「天一地二」。英文中亦以“The Great One”（偉大嗰一，太一）指代聖經中嗰上帝。