贛粵運河

出自維基百科
轉去: 導航

贛粵運河係條規劃嘚嗰運河,佢計畫搦長江同得珠江連合,北起九江鄱陽湖口,走贛江,路過南昌吉安万安贛州桃江,卡過分水嶺廣東,順得湞水經過南雄韶關,一徑抵達廣州珠江出海口

贛粵運河攏共有1237公里𠵹莽,江西境內會占得759公里,係總長嗰61%左右。

歷程[編寫]

贛江-鄱陽湖-長江方位圖

716年唐代賢相「嶺南第一人」張九齡上奏唐玄宗提出開鑿大庾嶺,拕允可。做正嗰梅關驛道係1000多年來長江水系同得珠江水系嗰陸上通道。

明代大學士、吉水才子解縉係頭隻提出開鑿贛粵運河嗰人,佢設想搦贛江水同得廣東北江水用做農田灌溉。哈同得同僚親赴大庾嶺南北調查勘測,寫正開鑿贛粵運河嗰具體規劃,擬寫奏摺后,建議明廷鑿贛江通南北,引水灌田,解除許時間嗰旱情。

1960年,國家交通部會同長江流域規劃辦公室、廣東省航運廳、江西省交通廳,對贛粵運河進行經濟調查同得路線勘查,第年提出運河嗰初步規劃報告。

1980年代初,江西交通部門對贛粵運河嗰開發做出遠景規劃,研繪正運河嗰規劃圖。許時間,交通部搦贛粵運河規劃列入可行性研究計劃,計畫到1983年完成贛粵運河同得湘桂運河嗰選線比較工作,末後湘桂運河拕選上。

2002年,全國政協委員、交通部海事局副局長劉德洪到中國「兩會」上頭提出關於「開通贛粵運河、奠定富民之基」嗰提案。

2005年4月贛州發布《贛州市人民政府關於加快水運事業發展的實施意見》,話:2010年之前,贛州水運嗰主通道贛江(贛州港—贛縣小良口段)由早以嗰五級航道提升做三級航道。2010年之後,揸得贛粵運河嗰規劃方案,到萬安電站達到設計運行水位預定期限內,爭取對茅江樞紐嗰建設立項投資,促進貢江航道等級嗰提高,同建設嘚嗰居龍灘電站水位相銜接,推動贛粵運河嗰進程。

2008年下半年,贛江石虎塘航電樞紐工程開工,佢有三級通航嗰能力,𠵹千噸嗰船得從南昌一徑開到泰和

2009年8月25號,國家交通運輸部珠江航務局話國務院進行嘚對中國七大江河流域規劃嗰修編,珠江流域嗰航運規劃修編已經拕上報國務院,初稿裡頭含到贛粵運河嗰修建計畫。

2009年9月中旬,峽江水利樞紐工程開工。佢同到泰和水利樞紐工程萬安水電站保證得正千噸級船由南昌直抵贛州

爭議[編寫]

正面[編寫]

京杭大運河

贛粵運河嗰建成會舞得長三角同得珠三角之間嗰運輸航程減少1200喇公里,往來嗰船冇必要兜上海浙江福建,就直接得搦貨運到兩地。佢直接連通长江珠江两大水系,箇就形成江南嗰南北走向嗰交通大動脈。泛珠三角區域嗰經貿往來也得保證贛粵之間嗰充足貨物流量,佢不單連接江西同得廣東,哈通達达,同得長江下游嗰,更假得跟京杭大運河連到,貫通淮河黃河海河,直達北中國。故係社科院經濟研究所嗰所長麻智輝話,光話經濟嗰話,修通贛粵運河對江西同得廣東都係利大於弊,有利之處非常多。交通方面,水運嗰成本都要低過別嗰運輸方式,水運係空運成本嗰1/20,公路運輸成本嗰1/5,鐵路運輸成本嗰1/2。水運更假拕看做最環保、最節能、佔地最少、運價最低嗰運輸方式。另外,贛粵運河具備一定嗰旅遊價值,對沿途流域嗰縣市嗰經濟蠻大嗰促進作用。

負面[編寫]

鄱陽湖嗰衛星圖

大江網舞哩隻「開建贛粵大運河的利與弊」嗰民意調查, 48.71%嗰網民覺得「開建大運河對江西是弊大於利」,29.03%嗰網民覺得「開建大運河對江西利大於弊」,19.68%嗰網民覺得「開建大運河的前提條件是開建贛粵高速鐵路」。[1]

有人覺得贛粵運河開通正後會舞得江西境內嗰細河細江嗰水位下落,故係江西嗰學術界,包括官員都有非常多嗰反對意見。佢俚怫到時間鄱陽湖生態經濟區嗰水源出現外流嗰狀態。鄱陽湖水系覆蓋全贛96%嗰地區,除吥東江源,別嗰水系嗰源頭,包括贛江撫河修水饒河信江,都指向鄱陽湖。要係開通運河,可能會舞得箇隻封閉嗰水體體系嗰鄱陽湖源頭水流減少,也勢必會減少鄱陽湖嗰水量。[2]

有人覺得贛粵運河做正後鄱陽湖嗰水質會拕污染,而江西嗰生態優勢係無價之寶。鄱陽湖係隻全封閉嗰水系,故係長江污染嚴重嗰狀況冇延到鄱陽湖水系,因為佢嗰源頭都位到江西境內,自簡人保護別脫。要係資源出境嗰話,可能別人就冇幾上心去保護。[3]

有人覺得贛粵運河對珠江航運冇幾大意義,倒係廣東賣命主張修建,係想舞「北水南調」,舞得江西成為廣東飲用水嗰免費提供者,「贛粵北水南調工程」舞來嗰水拕送到廣東各地嗰水廠。[4]而今嗰生態補償機制冇許健全,好似供給廣東、香港生活用水嗰東江源,江西為到保護水質關吥哩上游嗰好多工廠,香港一徑補償嘚廣東,但頭幾十年廣東冇搦一分資金補還江西。等江西方面提出抗議之後,箇下才從香港嗰補償金裡頭劃滴子到江西。[5]

另外,江西嗰經濟部署規劃主要偏重贛北,開鑿贛粵運河需要大量嗰資金物力同得時間,故係箇下赣粤运河不會拕做為一隻重点去考虑。[6]

各方嗰態度[編寫]

珠江嗰出海口

江西[編寫]

贛州吉安嗰滴子人士主張修建贛粵運河,好似贛州先頭嗰全國人大代表、民營企業家胡淑華提出過關於「修建贛粵運河,形成我國東西部水路交通網絡」嗰提案。到人大十屆三次會議上頭,吉安代表團嗰符紅桃等11隻代表聯名提出「關於開鑿贛粵運河,另闢出海通道,提升江西區位優勢」嗰議案。

廣東[編寫]

廣東方面非常積極建議興修贛粵運河。揸得發改委嗰人士嗰話法,廣東嗰航道部門接觸過好幾到江西嗰航道部門,哈實地勘察過江西境內嗰規劃河段。一滴子地方政府也相當積極,韶關市政府特試召開研討會討論開通贛粵運河嗰事宜,同得邀請贛州航務管理分局負責人蔘會。2009年嗰廣東「兩會」嗰時間,廣東省政協委員李晉鋒提交議案,提議有關部門加快北江上游至江西九江人工運河嗰可行性論證。廣東交通廳話遠景規劃嗰贛粵運河係關係到長江水系同得珠江水系進一步開發嗰重大工程,不僅規模浩大,而且跨省區跟涉及水資源、河流生態等眾多敏感問題,佢俚會建議由珠江流域管理機構提請中國交通運輸部會同水利部考慮開展相關嗰研究工作。

參考資料[編寫]

外部鏈接[編寫]