贛派建築

出自維基百科
樂安流坑村嗰一棟屋

贛派建築係話具有江西本土特色嗰屋廈建築,佢涵蓋住屋、宗祠、書院、會館、商鋪、戲台、牌坊、寺廟、寶塔、橋樑等功能建築。箇類建築到建築形制、構造裝飾跟到文化內涵等方面都有江西自家嗰風格。

贛派建築嗰主要特點係方形平面嗰木構架穿斗式建築,屋架拕青磚空斗牆兜到,牆頂係以馬頭牆做功能性裝飾。烏瓦鋪就嗰坡面屋頂圍出負責通風採光排水嗰天井。一隻天井喊做一進,結構以兩進三開間、一堂一廳為多。堂屋高闊,不安閣樓。天井四邊嗰軒樑門窗係裝飾重點,風格精巧俐落。贛派建築整體閑常體現出江西嗰宗教、人文、風水思想。[1]

參考資料[編寫 | 編寫源代碼]

  1. 大江網