熊姓

【熊】係江西嗰第16隻大姓，佢到江西歷史上都係隻多人嗰姓。

聽話【熊】箇隻姓係楚人嗰舊姓。楚人嗰先祖季連，佢嗰後裔住到熊山，叫自簡「穴熊氏」，奉熊做圖騰。江西做為南楚之地，熊姓嗰人不斷繁衍，咁就一徑係江西歷史上嗰大姓。

南昌尋到嗰東吳古墓裡頭，銘磚有「吳永安六年八月熊西城葬」咁嗰字。統計數據顯示宋朝嗰江西熊氏，佔得宋朝熊氏人口嗰38%許多，江西、福建、湖南三地嗰熊氏更假占到82%。明朝嗰江西熊氏一下猛增到明朝熊氏人口嗰46%。

今下，姓熊嗰人大多住到湖北、江西、四川、湖南、貴州箇滴子地方，佢俚集中嘍中國76%嗰熊氏人口。