湧山岩嗰舊石器時代遺址係到1962年11月拕發現嗰，湧山岩位到樂平北首三十公里嗰湧山區。許一吖子出土哩多種動物嗰化石同到有人工打過嗰跡嗰石頭片。同一時間哈發現哩大熊貓、劍齒象嗰化石。中國古人類專家賈蘭坡鑑定箇係舊石器時代嗰遺址。
出土嗰文物中，低級石器嗰年份有四五十萬年以上，係舊石器時代嗰中期。成熟滴子嗰石器有四五萬年以上，係舊石器時代嗰中晚期。
