按察使

出自維基百科
(從提刑按察使司跳過來)

提刑按察使中國日本朝鮮、越南古代嗰官。兩代嗰執法刑罰方面嗰最高長官。

官階·品秩[編寫 | 編寫源代碼]

按察使係正三品官,位到布政使嗰後頭,合叫「兩司」。清朝嗰時間,按察使係由江西嗰運使、道員升任來嗰,逢到缺出要開列具題。按察使得升任通政使司副使、大理寺少卿或布政使箇滴子官職。

職務·權力[編寫 | 編寫源代碼]

按察使嗰職務係「掌一省刑名按劾之事,振揚風紀,澄清吏治」。佢嗰具體嗰職責係:

  1. 按察使要辦理全贛嗰刑名案件,勘核詞狀,管理囚犯;撞到大滴子嗰案件,就會同布政使一下辦理;每年嗰秋審,佢擔任主稿官。
  2. 三年一回嗰鄉試,按察使要擔任監視官。
  3. 五年一回嗰「大計」考察外官,按察使要擔任考察官。
  4. 按察使掌管全贛嗰驛傳嗰事務。

屬官·機制[編寫 | 編寫源代碼]

提刑按察使嗰衙署就係「提刑按察使司」,佢下頭設有各類內部機構、屬官。

  • 經歷司 經歷
佢係正七品嗰品秩。清朝嗰時間,佢係由鴻臚寺主簿、布政司都事、州判、外府經歷、外縣縣丞、布政司庫大使、鹽課司大使、批驗所大使、運倉大使升任來嗰;佢自簡就得升任外府通判、外縣知縣、布政司經歷或鹽運司運判。
佢職掌出納文移箇滴子事務,係按察使司嗰衙署裡頭嗰首領官。清朝嗰頭先時間,江西哈設立1隻經歷司知事,掌管勘察刑名,1699年拕廢吥嘍。佢係正八品官,係由布政司照磨、鹽運司知事、按察司照磨、府知事、縣主簿、府照磨、同知照磨或通判照磨升任來嗰;佢自簡就得升任外縣知縣或州判。
  • 照磨所 照磨
佢係正九品嗰品秩。清朝嗰時間,佢係由府知事、縣主簿、府照磨、同知照磨或通判照磨升任來嗰;佢自簡就得升任按察司知事、外府經歷、外縣縣丞或布政司照磨。
佢職掌照耍宗卷箇滴子事務。清朝嗰時間,江西起頭設立照磨所照磨,1699年拕廢吥嘍。
  • 司獄司 司獄
佢係正九品嗰品秩。清朝嗰時間,佢係由崇文門副使、關大使、長官司吏目、茶引批驗所大使、鹽茶大使、同知庫大使、州庫大使、稅課司分司大使、州稅課司大使、縣稅課司大使、驛丞、河泊所官或各閘閘官升任來嗰;佢自簡就得升任府知事、縣主簿、京外府照磨、同知照磨或通判照磨。
佢負責管理牢監箇滴子事務。清朝嗰時間,江西攏共設立1隻司獄司司獄。