姜曰廣

出自維基百科
跳至導覽 跳至搜尋

姜曰廣1583年1648年),字居之,號燕及,·新建人。

1615年,姜曰廣中得萬曆四十四年乙卯鄉試。1619年,中得萬曆四十七年己未會試二甲進士,箇年拕授予翰林院庶吉士,1622年進編修。 1626,佢出使朝鮮,「不攜中國一物往,不取朝鮮一錢歸,朝鮮人為立懷潔之碑。〔歸后〕陳海外情形,有裨軍國者八事,多議行。」1625年,擔任京師順天府會試考試官嗰時間忤逆權臣魏忠賢嗰意思,拕削職為民。崇禎朝,佢復任南直隸應天府鄉試主考官,冇刻時又任詹事府右中允、內廷文學侍讀官等職務。

姜曰廣話崇禎皇帝聽,「勿任性,勿用左右小人。」崇禎皇帝話佢:「姜曰廣在講筵,言詞激切,大見不平,朕知其人。」[1]

1635年,姜曰廣當到吏部右侍郎(從二品)。1642年,拕薦任南京詹事府詹事,掌管翰林院。

南明時期,朝野爭亂頻頻。姜曰廣一方面顧得崇禎皇帝,話:「先帝之善政雖多,而以堅持逆案為尤美。先帝之害政間有,而以頻出口宣為亂階。」接得又話當朝亂臣:「而所得閣臣,則淫貪巧猾之周延儒也,逢君殃民,好險刻毒之溫體仁、楊嗣昌也,偷生從賊之魏藻德也。所得部臣,則陰邪貪狡之王永光、陳新甲也。所得勛臣,則力阻南遷、盡撤守御狂稚之李國楨也。所得大將,則紈絝支離之王朴、倪寵。所得言官,則貪橫無賴之史范、陳啟新也。凡此皆力排眾議,簡自中旨,後效可驗。」[2]

得罪遍全朝野嗰姜曰廣到1644年九月請辭,臨行前話:「微臣觸忤權奸,自分萬死,上恩寬大,猶許歸田。臣歸后,願陛下以國事為重。」弘光皇帝冇挽留得正佢,許時間南京城嗰百姓就話:「朝堂留了姜閣老,弘光方可保。去了姜閣老,弘光並要跑。」

1648年,兵圍困南昌,接得攻下贛州。姜曰廣滿心悲憤,到屋裡投塘自殺嘍,佢屋裡一道死嗰三十多隻人。

著作[編寫]

  • 《皇華集》三卷
  • 《輶軒紀事》一卷

註腳[編寫]

  1. 《明季南略》(1670),卷十二上,《姜曰廣傳》,第392—393頁
  2. 《明史》,卷274,《姜曰廣傳》