南昌市立銀行

南昌市立銀行發行嗰拾枚銅元票

南昌市立銀行係1928年6月1號成立嗰，由南昌市政府同得民營資本合資創辦，拕贛府文件核准發行輔幣券流通市面。總經理係賀濟倉。

1929年2月1號正式開業，總部拕設嘚南昌。佢嗰經營形式係官商合辦，資本定額係100萬元，實收四分之一，官股嗰部份係市政府承擔，商股係市民認購。南昌市立銀行負責代理南昌嗰公庫，發行銅元票。

南昌市立銀行發行過100枚、50枚、10枚三款嗰銅元票。1931年又發行過新票。揸得1936年嗰《銀行年鑒》嗰話法，1932年-1935年嗰四年，南昌市立銀行嗰貨幣發行額係335606元、263275元、324822元、459160元。《江西經濟問題》記得係1932年發行374185串，1933年發行500000串嗰銅元票。

1939年，江西拕日本佔領，𠵹南昌市立銀行拕遷到吉安，1946年，遷還南昌複業。