南昌地鐵
| 南昌地铁 Nanchang Metro | |||
 | |||
| 基本资料 | |||
|---|---|---|---|
| 区域 | 江西南昌 | ||
| 交通类型 | 城市軌道交通 | ||
| 路线数量 | 4条（運營中） | ||
| 总部 | 南昌市红谷滩区丰和中大道912号地铁大厦第5、25、26、27层 | ||
| 网站 | http://www.ncmtr.com/ | ||
| 运作数据 | |||
| 预计开通日期 | 2015年 | ||
| 运营商 | 南昌轨道交通集团有限公司（1/2/4号线） 南昌中铁穗城轨道交通建设运营有限公司（3号线） | ||
| 技术数据 | |||
| 总共长度 | 128.6公里（79.9 mi） | ||
| 轨距 | 1,435毫米（标准轨距） | ||
| 动力方式 | 架空电缆，1500 V DC | ||
| |||
南昌地鐵係服務南昌嗰一個軌道交通系統，佢由南昌軌道交通有限公司承建同到部分運營。2009年6月開始動工修建一號線，在2015年12月26日開通。之後陸續建正了4條地鐵綫，統共有103座車站，綫路總長度有128.6千米。
如果不算一號綫北延伸段，二號綫東延伸段，現時南昌地鐵規劃修5條綫路覆蓋南昌嗰五個區、一個縣同到三個行政管理區。
從2000年開始，南昌就開始規劃地鐵嗰項目[1]。2003年3月就有報道話南昌得考慮建個輕軌。[2][3]之後4月份報道就話現時有1號綫嗰規劃，打算走紅谷灘、南昌火車站，艾溪湖同到紅角州。[4]，年末通過了《2003～2020年南昌城市总体规划》裏頭規劃了5條輕軌綫路[5]。2004年初，一個政協委員叫余木来建議南昌得給地鐵留點子地下空間[6]，4月份經濟晚報話南昌建設地鐵有四個不足[7]，6月份有關南昌地鐵嗰報道話南昌嗰規劃在給地鐵留到空位置[8]。2005年，江西省同到南昌市都回復了建地鐵嗰問題，南昌政府話地鐵同到輕軌都在規劃備選嗰項目裏頭。[9]同年11月份，南昌初步規劃建4條地鐵同到一個輕軌。[10][11]2006年，南昌市開始研究軌道交通[12]。2007年下半年，開始軌道交通嗰前期研究，同年10月份南昌市嗰領導小組成立了，[1]之後在2008年嗰會議上，建地鐵拕搞上了南昌市政府嗰重要計劃。[13]
2008年，國家發改委給國務院嗰建議批復建設地鐵裏頭冇南昌，不過江西省政府努了力[14]，南昌拕批准建起幾個地鐵；2008年9月南昌開始組建地鐵公司[15]，之後在10月16日定下，叫“南昌轨道交通有限公司”[16]，之後公示5條綫路嗰規劃。[17][18][19]2009年7月國務院批准了《南昌市城市轨道交通近期建设规划(2009-2016年)》[20][21]，之後2009年7月29日南昌城市嗰快速軌道交通工程開始動工了[22][23]，同日嗰新聞發佈會話了規劃嗰5條綫路嗰走向同到建設嗰計劃：1號綫同到2號綫計劃在2016年通車，3號綫計劃2020年開通，之後兩條綫就看情況再決定開工。[24]政府自己計劃係5條綫路在2014年前得批准，在2015年前都開工。之後6-10號綫再看情況作補充，同到環綫地鐵。[25][26]
南昌政府在2013年4月份表態話，第二輪建設會在2014年到2020年。[27]之後決定了建設嗰方案。箇個方案選了折中嗰方案[28][29]，依著《南昌市城市快速轨道交通建设规划（2014-2020）》嗰計劃，在2014年延申二號綫，2016年延申一號綫，搞的最快可以在2014年9月開始3號綫嗰建設，之後2015年9月開始4號綫建設。[28][30]在2013年5月15日，國務院把軌道交通嗰審核權限交到省級，給之後嗰變化打正了基礎。[31]
2014年1月23日3、4號綫調整過後嗰規劃提前公示；之後3月21日公佈了環保評估報告《南昌市城市快速轨道交通建设规划（2014-2020）环评》；5月11日完成了文件嗰評審，把《南昌市轨道交通近期建设规划(2014—2020年)》交給國務院批復了。2015年5月箇文件批復正了。[32][33]
2015年12月26日，南昌地鐵嗰一號綫開始運營了，2017年8月18日，南昌地鐵嗰二號綫首通段（地鐵大廈 - 南路、全長19.63公里、設站17座）開通了。后通段在2019年6月30號開始運營。2020年12月26日三號綫開始試運營，箇也係南昌地鐵第一個不係南昌軌道交通集團有限公司運營嗰地鐵綫。2021年12月26日四號綫開始運營。
2022年7月16日《南昌市第二轮城市轨道交通线网规划》规划批前公示。[34]
2022年11月29日《南昌市第二轮城市轨道交通线网规划》批后公布。[35]
地鐵公司嗰標志在成立嗰時候定了，不過2011年11日重新向社會招稿了，之後在2012年8月3日決定了新嗰地鐵標志。
2014年4月21日徵集了吉祥物嗰名字，之後決定係“鹭鹭”。
| 線路名子 | 車站總數 | 線路長度 （公里） |
路線走向 | |
|---|---|---|---|---|
| 一號線 | 32 | 48.6 | 樂化—蛟橋—豐和北大道—豐和二路—世貿路—中山西路—中山路—八一廣場—北京路—瑤湖大道 | |
| 二號線 | 35 | 45.1 | 望城—高速客運西站—站前北大道—紅谷南大道—豐和大道—鳳凰一路—陽明路—八一大道—洛陽路—南昌火車站—順外路—上海路—廣州路—羅家鎮 | |
| 三號線 | 22 | 26.5 | 瑤湖北—民豐路—丹霞路—青山路—八一大道—疊山路—象山路—象山南路—繩金塔街—十字街—京山北路—迎賓大道—蓮塘 | |
| 四號線 | 32 | 43.2 | 高速客運西站—站前北大道—朝陽洲南—撫生路—洪城路—洪都大道—南京東路—上海路—國威路—火炬大道 | |
| 五號線 | 25 | 34 | 下羅地區—長堎大道—學府大道—紅谷南大道—學府大道—朝陽大道—江鈴西路—高新大道 | |
南昌地鐵采用嗰車型係地鐵「B型車」。佢嗰車廂闊2.8米，高3.8米，車體嗰有效長度係19米，最大嗰載客量係3到5.5萬（單向每小時人次）。箇跟杭州地鐵、廣州地鐵三號線都係一樣嗰。
南昌地鐵各個綫路嗰站裏頭都係箇綫路嗰風格，1號綫就係紅色色調嗰，二號綫就係黃色色調嗰。
車站裏頭都有救人嗰AED，還有指路標志。
2015年11月3日，南昌市物價局發佈了開聽證會嗰通告，話了兩套起步價兩塊嗰方案，之後決定用方案二。依照箇方案“分級遞進，越遠越減”嗰原則，起步2元6公里，每加一元就加6/8/10公里。
|
2元 6 km 3元 +6 km 4元 +8 km 5元 +8 km 6元 +10 km +1元
+10 km
|
為了方便公交換乘方便，江西省洪城一卡通投資有限公司搞正了股權嗰調整，南昌軌道交通集團現時係第二大股東，為一卡通進地鐵做好準備。
- ↑ 1.0 1.1 南昌地铁建设备忘录--大江专题。 大江网 (2010-08-05)。
- ↑ 洪城酝酿“出行革命”。 大江网 (2003-03-26)。
- ↑ “五大规划”绘南昌新景。
- ↑ 红谷滩，交通何时改善？——走进红谷滩系列报道之一。
- ↑ 再过二十年南昌变啥样 2003～2020年南昌城市总体规划昨获原则通过(图)。
- ↑ 建言献策:南昌应为地铁预留空间。
- ↑ 南昌城市地铁四大悬念。
- ↑ 城市运营提升南昌形象。
- ↑ “南昌建地铁”提案获答复。
- ↑ 南昌初步规划4条地铁 并将建设一条轻轨线。
- ↑ 南昌4条地铁布局初定。
- ↑ 南昌将启动轨道交通研究 红谷隧道工程设计年内完成。
- ↑ 南昌地铁建设列入政府重要议程。
- ↑ 审批权下放 南昌建地铁有望加速。
- ↑ 《南昌组建地铁公司》·南昌人的地铁梦更近了。
- ↑ 南昌轨道公司今日揭牌 洪城要建5条地铁线(图)。
- ↑ 南昌市城市快速轨道交通线网及建设规划公众征询意见。 到2013-04-12尋到。
- ↑ 南昌地铁远景规划征询民意 将有5条地铁线路。 到2011-11-19尋到。
- ↑ 南昌地铁远景规划征询民意(图)。
- ↑ 国务院同意南昌建设地铁 1号线有望年内动工。
- ↑ 南昌市城市轨道交通近期建设规划(2009-2016年)通过批准。 到2014-12-22尋到。
- ↑ 南昌城市快速轨道交通工程开工奠基。 到2011-10-22尋到。
- ↑ 地铁，一个城市梦想如花绽放(图)。 到2011-11-19尋到。
- ↑ 南昌地铁线路站点公布 1号线2014年通车。
- ↑ 南昌考虑再建五条地铁线 拟规划到十号线形成半小时经济圈。
- ↑ 南昌市市长陈俊卿：2015年五条地铁全部开建。
- ↑ 专家把脉南昌地铁第二轮建设规划 三套方案备选。
- ↑ 28.0 28.1 地铁3号线一期工程明年下半年或开工。
- ↑ 信息日报。 南昌第二轮地铁建设规划94.1公里。 大江网。 到2013-08-10尋到。
- ↑ 南昌地铁三四号线拟建19.7公里高架 1号线北延至昌北机场。
- ↑ 国务院关于取消和下放一批行政 审批项目等事项的决定。
- ↑ 南昌地铁3、4号线规划调整 4号线调整较大 线路增加8公里。 到2014-01-23尋到。
- ↑ 南昌市轨道交通3、4号线优化调整规划批前公示。
- ↑ 南昌市第二轮城市轨道交通线网规划 - 南昌市自然资源和规划局。
- ↑ 南昌市第二轮城市轨道交通线网规划批后公布。
南昌地铁嗰线路同得服务 | |
|---|---|
| 运营中 | █ 1号线 · █ 2号线 · █ 3号线 · █ 4号线 |
| 规划中 | █ 5号线 |