江南

出自維基百科
轉去: 導航

江南係一隻地理名詞。箇裡頭嗰「江」係話長江,「南」係話南方,佢嗰字面嗰意思就係「長江之南」。

史料記載[編寫]

上古[編寫]

「江南」箇隻詞到歷史文獻裡頭最早係出現到漢代寫正嗰《史記》嗰「五帝本紀」,許裡頭話:「舜……年六十一代堯踐帝位。踐帝位三十九年,南巡狩,崩於蒼梧之野。葬於江南九疑,是為零陵」。箇裡嗰「江南」就係話「長江之南」,「九疑」係今下江西湖南界上嗰九嶷山

《史記》嗰《秦本紀》接得話:「秦昭襄王三十年,蜀守若伐楚,取巫郡,及江南為黔中郡。」箇裡嗰「江南」係話許時間楚國嗰地盤。末後,佢嗰《貨殖列傳》又話:「衡山、九江、江南豫章、長沙,是南楚也」、「江南卑濕、丈夫早夭。」箇話嗰就係漢代設立嗰豫章郡長沙郡箇滴子地方。佢嗰《貨殖列傳》哈話:「江南、泗上不足以待越矣。」箇話嗰就系、係楚國國境北首嗰洪州饒州

晏滴子寫正嗰《後漢書》嗰《劉表傳》話:「江南宗賊大盛……唯江夏賊張莊、陳坐擁兵據襄陽城,表使越與龐季往譬之,及降。江南悉平。」箇話嗰係今下湖北嗰襄陽許塊子地方。王逸嗰《楚辞章句》裡頭話:「襄王遷屈原於江南,在江湘之間。」故係,上頭嗰箇滴子漢代史籍都表明,許時間嗰江南應該係今下嗰江西湖南湖北箇滴子地方。

中古[編寫]

唐朝江南道嗰範圍圖

《裴註三國志》嗰卷七話:「以功加拜伏波將軍,甚得江淮間歡心,於是有吞滅江南之志。」箇隻「江南」係話三國裡頭嗰東吳。南北朝時間嗰「江南」嗰定義,像《舊唐書》嗰卷45話係「江南則以巾褐裙襦,北朝則雜以戎夷之製。」箇時間整隻南朝都係「江南」嗰地界。

末後到嘍唐朝,中國拕分做十「道」,江南道係裡頭嗰一道。佢東起東海,西到川蜀,長江以南嗰地方都完個嗰歸佢管,箇就搦漢朝以降嗰地理概念明確化嘍。但因為佢管嗰面積大傷嘍,故係到733年,江南道拕分做江南東道江南西道黔中道箇三隻道。 「江南東道」係蘇南、浙江、福建箇滴子地方。 「江南西道」係湖南、江西、鄂南、皖南箇滴子地方,箇也係今下湘语、贛語嗰主要通行區。

唐朝人到詩作裡頭也話明哩「江南」具體嗰地理概念。像,張鷟嗰《朝野僉載》嗰卷三話:「浮休子曾於江南洪州停數日,遂聞土人何婆善琵琶卜,與同行郭司法質焉。」白居易拕貶所江州嗰時間,寫得《江南謫居十韻》、《南湖早春》箇滴子作品,佢話:「不道江南春不好,年年衰病減心情。」李白嗰《贈別舍人弟台卿之江南》也話:「因為洞庭葉,飄落之瀟湘。」故係箇時間嗰「江南」話嗰係江西、湖南箇滴子地方。

近古[編寫]

宋朝江南路嗰範圍圖

末後到嘍宋朝,江南東、西兩道承繼到「江南」嗰名子,拕改做「江南東路」、「江南西路」。箇時間嗰東、西江南係今下嗰江蘇、安徽、江西箇滴子地方。

呷箇之後,「江南」箇隻名子一下子拕作興起來。像:

「江南」同嘚「江東」[編寫]

箇下子,蠻多人都覺得「江南」話嗰係一帶,但箇滴子地方早以都係叫「江東」。西楚霸王項羽係江淮人氏,故係後人話「至今思項羽,不肯過江東」。《史記·貨殖列傳》也話:「夫吳自闔閭、春申、王濞三人招致天下之喜遊子弟,東有海鹽之饒,章山之銅,三江五湖之利,亦江東一都會也。」

除吥「江東」,蘇浙一帶早以哈拕叫做「江外」、「江左」。李白流落金陵宣城嗰時間,寫得《江南春懷》,裡頭話:「天涯失鄉路,江外老華髮。」杭州人羅隱嗰自號係「江東生」,後人羅威作興佢嗰詩作,就叫自簡嗰詩集係《偷江東集》。