文言文係中國古時間嗰一種書面文體，主要係搦先秦嗰口語做基礎。但係文言文伓係一隻時間一隻地方寫嗰，咁到語法同詞彙上都會有滴差別。
二十世紀之前，文言文幾乎係東亞各國嗰通用文體。到韓國、日本同到越南，文言文拕叫為漢文（한문，Hanmun）、漢文（かんぶん，Kanbun）同儒字（亦或字儒，Chữ Nho）。新文化運動之後，普通話嗰白話文到中國就慢慢替代嘞文言文，別嗰國家就用自家嗰話。
