華盛頓哥倫比亞特區

出自維基百科

華盛頓哥倫比亞特區英語Washington, D.C.)係美利堅合眾國嗰首都,係位到中大西洋地區。佢係在1790年成為首都拕劃出來嗰,係由美國國會直管嗰特區,故係伓係美國嗰一隻州。佢也拕叫做哥倫比亞特區District of Columbia)或係叫華盛頓Washington)淆特區the District)等,中文裡頭又拕叫做華府。佢嗰土地係北面嗰馬裡蘭州淆南面嗰弗吉尼亞州,兩隻州嗰界河波多馬克河從西北到東南穿過特區;在1846年後頭,波多馬克河南邊嗰土地還到哩弗吉尼亞州,這隻河就成哩特區淆弗吉尼亞州嗰界。在特區成立嗰先頭時期,波多馬克河北面有喬治城鎮、華盛頓市淆華盛頓縣三隻不一樣嗰行政區劃;這裡頭在1791年拕建起來嗰華盛頓市就係表揚喬治•華盛頓在美國建國嗰貢獻命名嗰,後來緩緩子成為特區裡頭嗰核心城市。搾得一隻1871年嗰立法,前頭說嗰三隻地方在1878年一起併成哩華盛頓市,但係聯邦管嗰特區淆華盛頓市政府管嗰地方疊在了一起,故係有哩箇下用嗰“華盛頓哥倫比亞特區” 這隻合稱。佢還係好多美國聯邦政府機關淆各國駐美嗰大使館嗰地方,也係世界銀行國際貨幣基金美洲國家組織等好多國際組織總部嗰地方。佢還有蠻多嗰博物館淆文化史跡。