「宋應星」:修訂間差異

出自維基百科
刪去的內容 新增的內容
Symane談詑 | 貢獻
Symane談詑 | 貢獻
第44行: 第44行:
《[[長庚公傳]]》話宋應星「公少靈芒,眉宇逼人,數歲能韻語。」7歲嗰時間,佢同佢兄[[宋應昇]]一下到佢俚族叔宋國祚嗰家塾裡頭讀書啟蒙。<ref>《宋應星評傳》,48頁</ref>宋應星自簡哈話:「余不肖髫時,讀書於塘季公家塾者八年。」箇裡嗰「塘季公」就係叔公[[宋和慶]]。宋和慶係進士出身,佢做官歸里後就到老家開辦私塾學堂,教育全族人。
《[[長庚公傳]]》話宋應星「公少靈芒,眉宇逼人,數歲能韻語。」7歲嗰時間,佢同佢兄[[宋應昇]]一下到佢俚族叔宋國祚嗰家塾裡頭讀書啟蒙。<ref>《宋應星評傳》,48頁</ref>宋應星自簡哈話:「余不肖髫時,讀書於塘季公家塾者八年。」箇裡嗰「塘季公」就係叔公[[宋和慶]]。宋和慶係進士出身,佢做官歸里後就到老家開辦私塾學堂,教育全族人。


私塾嗰教程分兩隻階段。起先係啟蒙階段,學生會學《千字文》、《百家姓》、《龍文鞭影》箇滴子教材,末後就會開始學平仄、作文同到經書等內容。教書先生會讓學生到學堂裡一日到夜嗰讀書、背書、作文。宋國祚規定一隻學生每日上晝要讀生文七篇,接得要背下來。<ref>《宋應星評傳》,49頁</ref>宋應星到學堂念書嗰時間,佢時常好晏起床,咁佢都能一刻時背完七篇文章。箇係因為佢睏覺嗰時間,佢兄到佢身邊背書,佢也就同時到心裡頭默記下來。<ref name="Diderot"/>[[1597年]],11歲嗰宋應星讀完第一階段。佢仰上開始第二階段,研讀四書五經之類嗰儒家經典。宋應星花費大概4年嗰時間讀完第二階段(到1601年),箇時間學堂換嘍隻新老師,佢就係[[新建]]舉人[[鄧良知]]。
私塾嗰教程分兩隻階段。起先係啟蒙階段,學生會學《千字文》、《百家姓》、《龍文鞭影》箇滴子教材,末後就會開始學平仄、作文同到經書等內容。教書先生會讓學生到學堂裡一日到夜嗰讀書、背書、作文。宋國祚規定一隻學生每日上晝要讀生文七篇,接得要背下來。<ref>《宋應星評傳》,49頁</ref>宋應星到學堂念書嗰時間,佢時常好晏起床,咁佢都能一刻時背完七篇文章。箇係因為佢睏覺嗰時間,佢兄到佢身邊背書,佢也就同時到心裡頭默記下來。<ref name="Diderot"/>[[1597年]],11歲嗰宋應星讀完第一階段。佢仰上開始第二階段,研讀四書五經儒家經典。<ref>《宋應星評傳》,50頁</ref>宋應星花費大概4年嗰時間讀完第二階段(到1601年),箇時間學堂換嘍隻新老師,佢就係[[新建]]舉人[[鄧良知]]。


接得,宋應星考到縣學裡頭做庠生,開始攻讀十三經、諸子百家、歷代史籍。<ref name="Times"/>讀書嗰同時,宋應星哈歡喜同佢兄宋應昇幾隻人佮伴旅遊。像縣城北首嗰獅山、西北50里路嗰越王山、西首120里嗰百丈山都係佢俚時常去嗰地方。<ref name="Times"/>
讀書嗰同時,宋應星哈歡喜同佢兄宋應昇幾隻人佮伴旅遊。像縣城北首嗰獅山、西北50里路嗰越王山、西首120里嗰[[百丈山]]都係佢俚時常去嗰地方。<ref name="Times"/>

大概到[[1601年]],宋應星到北鄉學塾以優異成績卒業,獲得童生嗰資格。後背佢同佢兄宋應昇參加[[縣學]]考試,都成功成為奉新縣學嗰廩生。佢俚每隻月有六斗廩米嗰生活補助。佢到[[1611年]]修完學業。<ref>《宋應星評傳》,50頁</ref>箇段時間佢要學除吥四書五經之外嗰,諸子百家、歷代史書等教材。<ref name="Times"/>[[1619年]],宋應星順利通過縣學主持嗰歲考,搦得參加[[鄉試]]嗰資格。<ref>《宋應星評傳》,51頁</ref>


宋應星末後參加科舉,到[[1615年]],29歲嗰宋應星同佢兄到[[南昌]]參加鄉試,箇年參加鄉試嗰江西士子有一萬多人,中舉嗰單就109人,宋應星名列第三,宋應昇列第六。<ref name="Times"/>兩隻人同時中舉,許時間拕稱做「奉新二宋」。<ref name="Cullen"/><ref name="Diderot"/>鄉試嗰獲利,讓兄弟二人決定當年就去北京會試,但末後都落第嘍。<ref name="Times"/>咁宋氏兄弟就到江西第一學府——白鹿洞書院進修,洞主舒曰敬任教。<ref name="Times"/>
宋應星末後參加科舉,到[[1615年]],29歲嗰宋應星同佢兄到[[南昌]]參加鄉試,箇年參加鄉試嗰江西士子有一萬多人,中舉嗰單就109人,宋應星名列第三,宋應昇列第六。<ref name="Times"/>兩隻人同時中舉,許時間拕稱做「奉新二宋」。<ref name="Cullen"/><ref name="Diderot"/>鄉試嗰獲利,讓兄弟二人決定當年就去北京會試,但末後都落第嘍。<ref name="Times"/>咁宋氏兄弟就到江西第一學府——白鹿洞書院進修,洞主舒曰敬任教。<ref name="Times"/>

2009年4月30日 (禮拜四) 01:45嗰修改版本

宋應星
宋應星
宋應星
性別:
異名: 長庚(字)
籍貫: 奉新
國籍: ·南昌府
出世: 1587年
北鄉雅溪牌坊村
過身: 1666年
戴家園祖墓
配偶: 視溪余氏、本邑王氏、靖安舒氏
爺: 宋國霖
娘: 魏氏
崽: 宋士慧、宋士意
學歷

萬曆四十三年舉人

經歷
  • 分宜教諭
    (1634年-1638年)
  • 汀州府推官
    (1638年-1640年)
  • 亳州知州
    (1643年-1644年)

宋應星1587年1666年),字長庚南昌府奉新縣北鄉雅溪牌坊村(今下嗰宋埠鄉牌樓村)人。[1]佢係明朝好有名嗰科學家。佢寫嗰《天工開物》箇本17世紀百科全書容得許時間大量嗰科學技術門類,裡頭就有火藥武器嗰介紹。[2]佢到歷史上舞出嗰巨大成就,咁佢有時間會托人跟法國嗰科學家狄德羅比得一起,話宋應星係「中國嗰狄德羅」。[3]

祖望生平

家世

詳細嗰內容請參照 宋應星家族

揸得八修《宋氏宗譜》嗰《江西奉新世系考略》裡頭話嗰,宋應星屋裡最早嗰先祖係漢朝嗰九江太守宋均嗰時間,後世宋釗開始搬家到新吳奉新)住。但到嘍宋朝,宋應星嗰十世先祖宋瓚入贅熊氏人屋裡,故係改姓做「熊」,箇也係江西嗰大姓之一。末後佢嗰崽熊定五為到躲避戰亂,搦佢老婆嗰姓——「宋」做自簡嗰姓,但箇隻「宋」算不得係宋家人屋裡本身嗰祖姓。八修《宋氏宗譜》裡頭對箇場事係𠵹話嗰:「吾族自元以前本熊姓,二世祖定五公為劍江驛宰,娶於豐城宋氏,解組歸。值元明鼎革之際,初避兵亂,嗣畏國(明)威,遂承宋氏姓。元孔公舊譜著之甚詳。」[4]之後,宋家人屋裡搬到奉新東首個雅溪(今下嗰潦水)岸舷,以經營田產過生。[5]

宋應星老屋嗰村盤子上先頭都留得「三代尚書第」、「方伯第」、「世進士第」同得「世科坊」箇滴子大型牌坊(文革嗰時間拕毀吥嘍),箇也顯示佢屋裡早以嗰榮光。[6]「三代尚書第」牌坊係為到宋應星嗰太公宋景做嗰,宋景嗰爺宋迪嘉、公公宋宇昂也蔭封到箇隻官階。「方伯第」係為到宋應星嗰族叔宋國華做嗰,佢擔任過貴州左布政使。「世進士第」係為到宋應星嗰宋國華,同得佢嗰崽孫宋應和宋一貞做嗰,佢三隻人都係進士及第。箇隻時期也係宋應星屋裡最烊嗰時間。

等到宋應星出世嗰許下子,宋家人屋裡着嘍一場火,屋裡嗰豪華大屋、現財同得萬捲圖書都拕燒得盡光,𠵹之後,宋家開始敗下來。箇時間宋應星嗰娘魏氏都要親自下廚、燶菜舞飯。[7]屋裡甚至慳到夜裡捨不得點燈,魏氏也咩得烏尋水喫。[8]宋應星就係𠵹嗰一隻破落嗰地主家庭成長嗰。

生平

出世

對於宋應星出世嗰準確時間,60年代以前都係話「未詳」、「萬曆年間」、「萬曆二十五年(1597年)左右」,連八修《宋氏宗譜》都話佢「生歿未詳」。箇可能係因為而今已經冇有宋應星嗰嫡系後人嗰緣故。1935年歐陽成到佢嗰《江西鄉賢事略審核意見書》裡頭,利用宋應昇嗰《方玉堂全集》,推斷出「萬曆四十三年(1615年)應星年二十九歲」。𠵹也就確定宋應星嗰生年係1587年[9]宋應星出世嗰時間,佢爺宋國霖就係四十二歲,佢娘魏氏三十三歲。

教育科舉

長庚公傳》話宋應星「公少靈芒,眉宇逼人,數歲能韻語。」7歲嗰時間,佢同佢兄宋應昇一下到佢俚族叔宋國祚嗰家塾裡頭讀書啟蒙。[10]宋應星自簡哈話:「余不肖髫時,讀書於塘季公家塾者八年。」箇裡嗰「塘季公」就係叔公宋和慶。宋和慶係進士出身,佢做官歸里後就到老家開辦私塾學堂,教育全族人。

私塾嗰教程分兩隻階段。起先係啟蒙階段,學生會學《千字文》、《百家姓》、《龍文鞭影》箇滴子教材,末後就會開始學平仄、作文同到經書等內容。教書先生會讓學生到學堂裡一日到夜嗰讀書、背書、作文。宋國祚規定一隻學生每日上晝要讀生文七篇,接得要背下來。[11]宋應星到學堂念書嗰時間,佢時常好晏起床,咁佢都能一刻時背完七篇文章。箇係因為佢睏覺嗰時間,佢兄到佢身邊背書,佢也就同時到心裡頭默記下來。[1]1597年,11歲嗰宋應星讀完第一階段。佢仰上開始第二階段,研讀四書五經等儒家經典。[12]宋應星花費大概4年嗰時間讀完第二階段(到1601年),箇時間學堂換嘍隻新老師,佢就係新建舉人鄧良知

讀書嗰同時,宋應星哈歡喜同佢兄宋應昇幾隻人佮伴旅遊。像縣城北首嗰獅山、西北50里路嗰越王山、西首120里嗰百丈山都係佢俚時常去嗰地方。[5]

大概到1601年,宋應星到北鄉學塾以優異成績卒業,獲得童生嗰資格。後背佢同佢兄宋應昇參加縣學考試,都成功成為奉新縣學嗰廩生。佢俚每隻月有六斗廩米嗰生活補助。佢到1611年修完學業。[13]箇段時間佢要學除吥四書五經之外嗰,諸子百家、歷代史書等教材。[5]1619年,宋應星順利通過縣學主持嗰歲考,搦得參加鄉試嗰資格。[14]

宋應星末後參加科舉,到1615年,29歲嗰宋應星同佢兄到南昌參加鄉試,箇年參加鄉試嗰江西士子有一萬多人,中舉嗰單就109人,宋應星名列第三,宋應昇列第六。[5]兩隻人同時中舉,許時間拕稱做「奉新二宋」。[15][1]鄉試嗰獲利,讓兄弟二人決定當年就去北京會試,但末後都落第嘍。[5]咁宋氏兄弟就到江西第一學府——白鹿洞書院進修,洞主舒曰敬任教。[5]

1619年1623年1627年1631年,接到嗰幾場大試宋家兄弟也都冇過關。[5]箇時間宋應星已經45歲嘍。[15]佢接得一考再考都一徑失利,佢就對自簡話「為方萬里中,何事何物不可聞」,咁也打消嘍佢接得應試嗰想頭。[5]

仕宦生涯

1604年,宋家兄弟各自分產分家。多年嗰科舉花費太多同到屋裡人口嗰不斷增多,故係宋應星覺得係時間尋腳事做嘍。佢兄宋應昇到1632年當上浙江桐鄉縣令。[5]1634年,宋應星也出任分宜縣教諭。教諭係隻不上品嗰文職官員。宋應星做教諭一徑做到1638年。箇期間佢受到分宜縣令曹國祺嗰支持,到1636年3月出版萬言政論集《野議》,佢係佢一夜時間寫正嗰。[5]末後也哈整理發表佢嗰自選詩集《思憐詩》,同到《畫音歸正》、《原耗》兩本書,但後頭嗰兩本書已經亡佚。[5]公元1637年,宋應星出版佢名垂青史嗰重要作品《天工開物》。

《天工開物》嗰序言裡頭話:

年來著書一種,名曰《天工開物卷》。傷哉貧也!欲購奇考証,而乏洛下之資;欲招致同人商略贗真,而缺陳思之館。隨其孤陋見聞,藏諸方寸而寫之,豈有當哉?
吾友涂伯聚先生,誠意動天,心靈格物。凡古今一言寬這嘉、寸長可取,必勤勤懇懇而契合焉。昨歲《畫音歸正》由先生而授梓。茲有後命,複取此卷而繼起為之,其亦夙緣之所召哉!
卷分前後,萬貴五穀而賤金玉之義。《觀象》、《樂律》二卷,其道太精,自揣非吾事,故臨梓刪去。丐大業文人棄擲頭,此書于功名進取毫不相關也!時崇禎丁丑孟夏月,奉新宋應星書於家食之問堂。

箇裡頭就話到下頭幾場事。[5]

  1. 宋應星嗰書齋叫「家食之問堂」
  2. 宋應星寫作嗰目的係重視農產、輕視金財,不係搦到當官嗰看嗰
  3. 《天工開物》嗰出版時間係1637年4月(夏曆
  4. 《天工開物》、《畫音歸正》都係宋應星嗰朋友涂伯聚資助嗰
  5. 《天工開物》嗰原稿先頭係有《觀象》、《樂律》兩篇。但宋應星覺得佢俚專業傷嘍,故係刻板印梓嗰時間就刪吥嘍。

1637年6月,宋應星寫正佢嗰《卮言十種》嗰第八種《論氣》,9月寫正第九種《談天》。[5]1638年後佢嗰教諭任期期滿,但佢考列優等,[5]就升任福建汀洲府推官,箇係隻正六品嗰刑獄司法官。[1]1640年,宋應星冇等任期結束就辭官歸里。[5]1642年-1643年,奉新爆發李肅十肅七帶領嗰紅巾軍之亂,宋應星就通兵備道陳起龍、司李胡時享一下鎮壓嘍箇場民亂。[5]

1643年,宋應星出任安徽毫州知州,正五品級,箇係宋應星一生當到嗰最高級別嗰官嘍。[1]擔任知州嗰時期,中國已經係戰亂頻頻。宋應星嗰官衙都拕毀吥嘍,故係佢捐資重做,跟到召集離散嗰官員。之後哈買下亳州城南嗰薛家閣,準備做隻書院。[5]第年1644年,明朝拕推翻後,宋應星就辭官歸鄉,全身退出公眾生活,佢11年嗰官宦生涯就咁結束嘍。[15]佢箇時間哈寫正《春秋戎狄解》表示自簡嗰心境。[5]

同年,南明南京建立。宋應星拕推薦做滁和兵巡道跟南瑞兵巡道,但佢一心歸隱,表示推辭。[5]明朝滅亡後,辭吥廣州知府之職嗰宋應昇同宋應星到老家重逢。1646年,宋應昇寫完兩首絕筆詩後就吞毒殉國嘍。[5]1655年。宋應星拕陳弘緒邀請,幫佢嗰《南昌郡乘》寫篇《宋應昇傳》。[5]

1666年,宋應星過身,享年80歲,拕埋到戴家園祖墓。[5]

著作一覽

下頭係宋應星嗰生平著作[16]

  • 傳世:
    • 《天工開物》
    • 《野議》:議論時政嗰著述
    • 《論氣》
    • 《談天》
    • 《思憐詩》:十首「思美」詩、四十二首「怜愚」詩
  • 遺失:
    • 《畫音歸正》
    • 《厄言十種》
    • 《美利箋》
    • 《觀象》
    • 《樂律》
    • 《雜色文》
    • 《原耗》

內文註腳

  1. 1.0 1.1 1.2 1.3 1.4 中國的狄德羅 宋應星. http://www.iljh.ilc.edu.tw/iljhs/asp_page/%B1%D0%BE%C7%A5%AD%A5x/teacher/%B6%C0%AC%FC%B4f/%B1%D0%BE%C7%B8%EA%B7%BD/%A4%A4%B0%EA%AA%BA%A8f%BCw%C3%B9--%A7%BA%C0%B3%ACP.doc. 
  2. Needham, Volume 5, Part 7, 36.
  3. Needham, Volume 5, Part 7, 102.
  4. 《宋應星評傳》,26頁
  5. 5.00 5.01 5.02 5.03 5.04 5.05 5.06 5.07 5.08 5.09 5.10 5.11 5.12 5.13 5.14 5.15 5.16 5.17 5.18 5.19 5.20 5.21 宋應星生活嗰時代. http://www.zjxjzx.cn/ebook/86/kwdw/ts086052.pdf. 
  6. 《宋應星評傳》,23頁
  7. 《宋應星評傳》,39頁
  8. 《宋應星評傳》,40頁
  9. 《宋應星評傳》,37頁
  10. 《宋應星評傳》,48頁
  11. 《宋應星評傳》,49頁
  12. 《宋應星評傳》,50頁
  13. 《宋應星評傳》,50頁
  14. 《宋應星評傳》,51頁
  15. 15.0 15.1 15.2 Cullen, Christopher (1990). 宋應星話「氣」同嘚「五行」. 53. pp. 295–318. http://links.jstor.org/sici?sici=0041-977X%281990%2953%3A2%3C295%3ATSIISC%3E2.0.CO%3B2-1. 
  16. 沈一民 等著,《大明的崛起》,京華出版社,北京,2007年7月,184-188頁,ISBN 978-7-80724-396-0

參考資料

  • 潘吉星,《宋應星評傳》,1990年,ISBN 7305008508
  • Brook, Timothy. (1998). The Confusions of Pleasure: Commerce and Culture in Ming China. Berkeley: University of California Press. ISBN 0-520-22154-0
  • Needham, Joseph (1986). Science and Civilization in China: Volume 4, Physics and Physical Technology, Part 2, Mechanical Engineering. Taipei: Caves Books Ltd.
  • Needham, Joseph (1986). Science and Civilization in China: Volume 4, Physics and Physical Technology, Part 3, Civil Engineering and Nautics. Taipei: Caves Books Ltd.
  • Needham, Joseph (1986). Science and Civilization in China: Volume 5, Chemistry and Chemical Technology, Part 7, Military Technology; the Gunpowder Epic. Taipei: Caves Books, Ltd.
  • Song, Yingxing, translated with preface by E-Tu Zen Sun and Shiou-Chuan Sun (1966). T'ien-Kung K'ai-Wu: Chinese Technology in the Seventeenth Century. University Park: Pennsylvania State University Press.