英語

話英語嗰地方

英語（English，國際音標：[ˈɪŋglɪʃ]）係印歐語系底下嗰日爾曼語族底下嗰西日爾曼語支嗰一隻語言，佢係古代盎格魯、薩克遜跟日爾曼人話嗰話變來嗰，末後英國到全世界殖民嗰時間就傳播到哩別嗰國家。1999年統計話全世界用英語做第一語言嗰人，有三點八億，全世界排嘚第三或者第四。箇晝子因為英國跟到美國到各方面都非常喫價，故係箇舞得英語變成准國際用語。英語哈係聯合國嗰工作語言之一。

方言

• 美國英語
• 英國英語
• 加拿大英語
• 澳大利亞英語
• 新西蘭英語
• 加勒比英語
• 愛爾蘭英語
• 印度英語
• 牙買加英語
• 利比亞英語
• 蘇格蘭英語
• 南非英語
• 新加坡英語
• 馬來西亞英語
• 香港英語

分佈

1. 英語係第一語言嗰國家或地區有：澳大利亞、巴哈馬、愛爾蘭、巴巴多斯、百慕大、圭亞那、牙買加、新西蘭、聖克裏斯多福及尼維斯、特立尼達和多巴哥、英國跟到美國。
2. 英語係主要嗰語言嗰國家或地區有：巴西（跟到葡萄牙語）、加拿大（跟到法語）、多明尼克、聖路西亞跟聖文森及格瑞那丁（跟到法語）、密克羅尼西亞聯邦、愛爾蘭共和國（跟到愛爾蘭語）、利比理亞（跟到非洲語言）、新加坡跟南非（跟到南非荷蘭語跟別嗰非洲語言）。
3. 英語係官方語言（之一）嗰國家或地區有：斐濟、加納、岡比亞、香港、印度、基裏巴斯、萊索托、肯雅、納米比亞、尼日利亞、馬爾他、馬紹爾群島、巴基斯坦、巴布亞新磯內亞、菲律賓、所羅門群島、薩摩亞群島、塞拉里昂、斯威士蘭、坦桑尼亞、尚比亞和辛巴威。
4. 還有就係在歐洲跟日本，非常多嗰人學英語（32.6％），接到係法語、德語跟西班牙語。

語法

英語在印歐語系裡頭算語法比較簡單嗰，但也有滴子複雜奀子嗰變化。比如話：

• 所有格-'s：He is Fred's best friend.

• 動詞現在時嗰第三人稱單數-s：Alfredo works.

• 過去時-ed：Fred worked.

• 現在分詞/進行時態-ing：Fred is working.

• 過去分詞-ed：The car was stolen. -en；Fred has talked to the police.

• 動名詞-ing：Working is good for the soul.

• 複數-s：Fred has two blue eyes.

• 比較級-er：Fred is smarter than Rick.

• 最高級-est：Fred has the fastest car.

辭彙

英語嗰單詞恁係非常多嗰。光《牛津英語字典》（第二版）就有五十多萬隻條目。

文字

寫英語用嗰係拉丁字母。但英語有奀子單詞嗰發音跟拼寫有蠻大嗰區別。