苏联

苏联嗰国旗

苏维埃社会主义共和国联盟（俄语：Союз Советских Социалистических Республик）係早以欧洲 / 亚洲嗰一只共产主义国家。先头佢係地球上最大嗰国家，末后苏联解体，拕分做十喇只国家。

第二次世界大战

係直到今吖为止，人类社会扤出来嗰最大战乱，死得最多人（粗略估计死吥8300万人），破坏得最恶嗰全球性战争。

战争高潮嗰时间，有六十一多只国家同到一齐打，有十七多亿人拕卷进去。打仗双方係以美国、苏联、中华民国、英国、法国等国组成嗰反法西斯同盟，同到以德国、日本、意大利等法西斯国家组成嘅轴心国集团。战祸遍及欧洲、亚洲、美洲、非洲同到大洋洲五大洲；打仗双方同时到大西洋、太平洋、印度洋同北冰洋四大洋展开战斗。

虽话到1939年九月以前，中国嗰抗日战争，埃塞俄比亚嗰抗意战争等反法西斯嗰抵抗已经开始嘞，但係一般认为战争係由1939年9月1日德国入侵波兰、英法对德国宣战起头，到1945年8月15日（亚洲）/ 8月14日（美洲）日本向盟国投降结尾。

大战嗰扭转点係1941年12月7号七点五十五分（夏威夷时间），日本发动偷袭珍珠港，美国太平洋舰队40喇只战舰、450架飞机拕摧毁，4500多美兵伤亡。之后嗰几日，美国总统罗斯福到华盛顿宣布向日本正式宣战，係美国正式参与大战。冇吖子，英国、中国、澳大利亚、新西兰、加拿大等二十多只国家先后对日本宣战，真正嗰“世界”大战算係正式爆发喇！

大战以诺曼第（Normandy）登陆战最出名。经过周密嗰计划同到充足准备，15.6万盟军到1944年6月6号（D-Day）由诺曼第箇只缺口登陆，从此，德国陷于东西夹击，腹背受敌嗰局面。

其实到二战完后，接到有好多问题还在，像美苏冷战。至于日本就因为美国到广岛同长崎掟嘞两只原子弹扤到今吖都受到核幅射嗰影响。