雷義

出自維基百科

雷義,字仲公,東漢豫章郡鄱陽人。

開頭佢係郡內嗰功曹。有回,一隻拕判死罪嗰人尋到佢,想搦二斤金子賄賂佢,佢啷都不收。咁末後金主就搦金子弆到屋子嗰梁上。等到修屋嗰時間相到金子,箇時間金主早死吥嘍,故係佢搦金子一下都交到縣曹。

冇一下子佢就察舉孝廉,擔任尚書侍郎。末後佢代人受過,拕黜職。晏滴子佢接到拕舉為茂才,想讓到陳重,佢不肯,哈裝假子發瘋。

末後佢同陳重一道辟舉,監督郡國、整行風俗,太守、令、長中拕坐黜嗰人有七十喇個。雷義接到遷為侍御史、南頓縣(今下嗰河南項城嗰西南)令。