贛語中嗰古楚語詞一覽

出自維基百科
  • ,《方言》卷十:「崽者,子也,湘沅之會,凡言子者謂之崽。」

贛語叫兒子做「崽」。像南昌ʦai、都昌ʦai、安義ʦai、修水ʦai、平江ʦɑi、陽新ʦɐ、宜豐ʦɑi、新喻ʦai、醴陵ʦai、吉水ʦɔi、南城ʦɛi、建寧ʦei。

  • ,《方言》卷九:「輪,漢楚之間謂之軚。」郭璞注音做「大」。

贛語叫輪子做「軚」,像南昌tʰɔ(唐佐切)。

  • ,《方言》卷十:「媱、愓,遊也。江沅之間謂戲做媱,或謂之愓,或謂之嬉。」

贛語叫玩耍做「嬉」或「愓」。像弋陽ɕi、鉛山ɕi、吉水hɛ、蓮花ɕiɛ、建寧hei;安義iɔŋ。

  • ,《方言》卷二:「抱嬎,耦也。荊吳江湖之間抱、嬎,宋穎之間或曰嬎。」《廣韻》去聲號韻薄報切作菢:「菢,鳥孵卵。」

贛語叫母雞孵卵做「菢」,叫孵得小雞嗰母雞做「菢雞婆」。像南昌pʰau、都昌bau、安義pʰau、陽新pʰɒ、宜豐pʰɑu、新喻pʰau、醴陵pʰau、吉水pʰau、茶陵pʰau、餘干pʰau、南城pʰou、建寧pʰau、邵武pʰau。

  • ,《方言》卷五:「箕,陳魏宋楚之間謂之蘿。」

贛語叫方底圓口用來盛穀米嗰竹器做「蘿」。像南昌lɔ、都昌lɔ、安義lɔ、修水lɔ、平江lo、陽新lo、宜豐lɔ、新喻lɔ、醴陵lo、吉水lɔ、永新lo、茶陵lo、餘干lɔ、弋陽lo、南城lɔ、建寧lɔ。

  • ,《方言》卷五:「揞、揜、錯、摩,藏也。荊楚曰揞。」《廣韻》作烏感切和烏含切兩音。

贛語叫遮擋、遮掩做「揞」。烏感切有像高安ŋom、黎川om;烏含切有像南昌ŋɔn、都昌ŋɔn、安義ŋɔm、永新ɛ̃i、餘干ŋon、南城ŋøn、建寧ɔm。

  • 雁鵝,《方言》卷八:「鴈,南楚之外謂之鵝。」

贛語叫大雁做「雁鵝」。像南昌ŋaŋ ŋo、安義ŋaŋ ŋɔ、醴陵ŋaŋ ŋo、萍鄉ŋai ŋɔ、新喻ŋai ŋɔ、吉水ŋai ŋɔ、永新ŋaŋ ŋo、茶陵ŋaŋ ŋo、建寧ŋat ŋɔ。

  • ,《方言》卷一:「黨,曉,哲,知也。楚謂之黨,或曰曉。」

贛語叫知道做「曉得」。像南昌ɕiɛu tɛt、都昌ɕiəu tɛ、安義ɕiau tɛʔ、修水ɕiau tɛʔ、平江ɕiɛu tɛt、宿松ɕiau tɛ、宜豐ɕiɛu tɛt、新喻sɛu tɛ、醴陵ɕiau te、吉水ɕiau tɛ、永新ɕiɒ tɛ、茶陵ɕiɒ tɛ、餘干ɕiɛu tɛkŋ、弋陽ɕiau ti、南城sau tɛiʔ、建寧hiau tək、邵武xiəu tie。

  • ,《方言》卷十:「楚人凡揮棄物,謂之拌。」《廣韻》平聲恒韻普官切:「拌,棄也。俗作拚。」

今贛語叫不要命做「拚命」。像南昌pʰɔn miaŋ、安義pʰɔn miaŋ、高安pʰɛn miaŋ、新喻pʰɔn miaŋ、萍鄉pʰɔ̃ miã、醴陵pʰõŋ miaŋ、建寧pʰɔn miaŋ、邵武pʰon miaŋ。

  • ,《方言》卷十:「抯、摣,取也。南楚之間凡取物溝泥中謂之抯,或謂之摣。」

贛語叫抓取做「摣」。像南昌ʦa、都昌ʦa、安義ʦa、修水ʦa、平江ʦɒ、宜豐ʦɒ、新喻ʦa、宜春ʦa、吉水ʦa、永新ʦa、餘干ʦa、弋陽ʦa、撫州ʦa、南城ʦa。

  • ,《方言》卷十三:「𥱿小者,南楚謂之簍。」

贛語叫圓形竹器做「簍」。像南昌lɛu、都昌ləu、安義lau、修水lɛi、平江lɛu、、宜豐lœu、新喻lɛu、醴陵lei、吉水lɛu、永新lœ、茶陵lø、餘干lɛu、弋陽liu、南城liɛu、建寧ləu、邵武lɛu。

  • ,《方言》卷一:「撏、攓、摭、挻,取也。南楚曰攓,陳宋之間曰摭,魏魯揚徐荊衡之郊曰撏。」《集韻》注做「徐廉切」。

今贛語叫拔(雞毛)做「撏」。像南昌ʨʰiɛn、安義ʨʰiɛm、陽新ʦʰiẽ、宿松ʨʰiɛn、高安ʦʰiɛm、宜豐ʨʰiɛn、新喻ʨʰiɛn、醴陵ʨʰiẽŋ、吉水ʨʰiɛn、茶陵ʦʰiẽ、餘干ʨʰien、弋陽ʨʰiɛn、南城ʨʰian、黎川tʰian。

  • ,《史記·陳涉世家》記載陳涉做王之後,他的鄉人來看他,『入宮,見殿屋帷帳,客曰:「夥頤,涉之做王沈沈者」,楚人謂多做夥,故天下傳之。』《方言》卷一:「凡物盛多謂之寇……楚魏之際曰夥。」《廣韻》:「夥,胡火切,楚人云多也。」

今贛語叫多做夥,像邵武vai。

  • ,《方言》卷十三:「簇,南楚謂之筲。」

贛語叫一種竹器做「筲箕」。像南昌sau ʨi、都昌sau ʨi、安義sau ʨi、修水sau ʨi、平江sau ki、宜豐sau ʨi、新喻sau ʨi、醴陵sau ʨi、吉水sau ʨi、永新sau ʨi、茶陵sau ʨi、餘干sau ʨi、弋陽sau ʨi、南城sau ʨi、黎川sau ki、建寧sau kə。

  • ,《說文·竹部》:「箬,楚謂竹皮曰箬。」《玉篇·竹部》:「箬,竹大葉。」

贛語叫粽葉做箬,像南昌iok。

  • ,《說文·木部》:「柿,削木朴也。從木,市聲。陳楚謂櫝做柿。」《廣韻》去聲廢韻芳廢切:「柿,斫木札也。」

贛語叫鉋花做「柿」。像南昌pʰau pʰi ʦʰɿ、安義pʰi li、陽新 məu fɐ。此處讀若重唇是古音的保留。

  • ,《說文·目部》:「睇,目小視也。南楚謂眄曰睇。」

今贛語叫側視做「睇」,像南昌tia。

  • ,《楚辭·釋水》:「長瀨湍流,泝江潭兮。」《一切經音義》卷三十六:「潭,閑也。南楚之人謂深水曰潭。」

贛語叫溪流深水處做潭,像南昌就有「腳魚潭」。江西境內多處也常以潭作做地名通名,有名諸像鷹潭等。潭,南昌tʰan、安義tʰɔm、茶陵tʰã、永新tʰã、吉水han、醴陵tʰaŋ、新喻tʰan、宜豐tʰɑn、宿松tʰon、餘幹tʰon、弋陽tʰan、南城han、建寧ham、邵武tʰan。

  • ,《方言》卷一:「虔、懁,慧也。秦謂之謾,晉謂之貍,宋楚之間謂之倢。」

贛語話人機靈係「倢」。像南昌ʨiak、安義ʨiak。

  • ,《方言》卷一:「張小使大謂之廓,陳楚之間謂之摸。」

贛語話賣力掰開東西或張開腿做「摸」。像修水maʔ、宜豐mɑʔ、新喻ma、萍鄉ma、醴陵maʔ、吉水maʔ、南城maʔ、建寧mak。

  • ,《方言》卷十:「誺,不知也。沅澧之間,凡相問而不知答曰誺。」

贛語叫忘記做「誺」。像安義lai、修水lai、平江lɑi、上高lai、宜豐lɑi、新喻lai、醴陵lai、吉水lai、餘干lai、弋陽lai、南城lai、建寧lai。

  • ,《方言》卷十:「南楚凡相推搏曰㧙,或曰㧾。」《集韻》:「㧾,楚謂擊做㧾。」

贛語叫擊打做「㧾」,像南昌fu。

  • ,《方言》卷十:「𠆩、僄,輕也。楚凡相輕薄謂之相𠆩或謂之僄也。」《說文》:「輕也。」

贛語叫重量少做「僄輕」,像南昌pʰiɛu ʨʰiaŋ。

  • 謰謱,《方言》卷十:「㘓哰……南楚曰謰謱。」戴震疏證引《說文》:「多言也。」又引《廣韻》:「嗹嘍,言語繁絮貌。」

贛語話嘮叨做「謱謰」,是古語之反,像南昌lɔ liɛn。

  • 杜狗,《方言》卷十一:「螻蛄……南楚謂之杜狗。」

贛語叫螻蛄做「土狗」,像南昌tʰu kiɛu。

別嗰條目[編寫 | 編寫源代碼]

參考來源[編寫 | 編寫源代碼]

  • 《贛語聲母的歷史層次研究》,萬波,香港中文大學博士論文
  • 《福建方言》,李如龍