羽衣仙女

出自維基百科
轉去: 導航

羽衣仙女江西嗰神話故事裡頭非常典型嗰一隻傳說人物。

故事梗概[編寫]

佢嗰主人公係一隻飛落人間嗰仙女,佢化身做雀仔,末後為嘚下水沐浴,就脫吥一身羽衣。箇等一隻男仔子相到,佢嗰心一下子拕迷到嘍,就偷走仙女嗰羽衣。仙女為到搦回衣裳,就同嘚許隻男仔子成親完婚嘍。之後仙女尋回自簡嗰羽衣,飛還天界。

贛地流傳[編寫]

·干寶嗰《搜神記》係記錄「羽衣仙女」最早嗰文獻資料,佢嗰第十四章裡頭話:

豫章新喻縣男子,見田中有六七女,皆衣毛衣,不知是鳥。匍匐往,得一女所解毛衣,取藏之。即往就諸鳥,諸鳥飛走,一鳥獨不得去。男子娶以為婦,生三女。其母后使女問父,知衣在積稻下,得之,衣而飛去。後復以迎三女,女亦得飛去。

箇下,新喻市內哈有隻湖叫「仙女湖」,湖舷上有隻毛衣女嗰塑像。

共樣嗰故事也發生嘚南昌·《玄中記》、·《豫章職方乘》、·《豫章十詠》同到《頤庵集·臨清軒記》都話到嘍仙女嗰傳說。像,1751年(乾隆十六年)刻本嗰《南昌縣志》引用·洪芻嗰《豫章職方乘》,話:

洗馬池在郡城東南隅……嘗有年少見美女七人,脫彩衣岸側,浴於池中,年少戲藏其一。諸女浴畢,就衣化白鶴去。獨失衣女留,隨至年少家,為夫婦,約以三年。還其衣,亦飛去。故又名浴仙池。

同屬贛地嗰陽新(箇下歸嘚湖北管)也有「羽衣仙女」嗰流傳。《水經註》嗰卷三五《江水》話:「陽新縣,故豫章之屬縣矣,地多女鳥。」《玄中記》話:「陽新男子於水次得之。遂與共居,生二女,悉衣羽而去。」

外地嗰相類神話[編寫]

汪玢玲到佢嗰《天鵝處女型故事研究概觀》裡頭發現,「羽衣仙女」箇類嗰神話故事到世界頭上都有分佈,像傣人、納西人、朝鮮人等等。佢俚擱擱攏攏分得正五隻類別:

  1. 創世始祖型
  2. 孔雀公主型
  3. 百鳥衣型
  4. 牛郎織女型
  5. 千羽錦型

參考資料[編寫]

  • 傅修延,《羽衣仙女與贛文化》,《江西師範大學學報》,2000年03期
  • 肖凌猛,《贛文化中的羽衣仙女故事的流變及原因分析》,2008年,《思考與言說》No.5