不滿之冬

出自維基百科
時任嗰英國首相James Callaghan

不滿之冬英文:Winter of Discontent)係描述英國1978年-1979年嗰冬天嗰一隻術語。許時間英國嗰工會展開廣泛嗰罷工運動,為得爭得佢俚會員高滴子嗰酬勞;但係同時間英國政府計劃控制用人工資,為到限制通貨膨脹

時任嗰工黨政府為到控制通貨膨脹,同得英國工會達成協議:政府有權設定工人工資增長嗰限額,仰上英國嗰通貨膨脹率由1975年嗰峰值26.9%回落到1978年嗰10%以下。等箇隻協議臨了要結束嗰時間,Denis Healey到1978年7月21號推出一本白皮書,話從箇年8月1號起,工人工資嗰增長率要拕限制到5%。工會表示堅決反對,末後展開劇烈嗰罷工遊行運動。好似Ford公司,話係佢許年收益不錯,結果也遵守5%嗰基本線,佢嗰員工曉得後仰上罷工,末後基本線才拕提高到17%。別嗰行業跟得跟從“5%”嗰底線,咁全國性嗰罷工正式展開,好似卡車司機、惡屑清理員都一下罷工,舞得相關行業拕逼得提高工資增長率。

不滿之冬舞得全英國人轉向對工會態度堅硬嗰保守黨,故係1979年撒切爾領導嗰保守黨贏得箇年嗰大選。